تنبيه هام

اعزائي قراء المدونه :

هذه المدونه تم تفعيلها في عام 2006

كان من اهم اسباب تشغيلها هو الفضفضه

مجرد انى افضفض واكتب كل المشاعر اللى عندى

كنت ساعات بطلع طاقه سلبيه وساعات اكتر طاقه ايجابيه

قابلتني مشاكل كتير مع الحب والحبيبه

اتعلمت حاجات اكتر من المدونه ومن كلامى مع الناس عن الحب

للاسف عن طريق المدونه دى انا عرفت ناس كتييييير جدااااااااا

منهم اللى اثر فيا ودفعنى خطوة للامام ومنهم اللى رجعنى سنين لورا

منهم اللى صدمني صدمة عمرى وخلانى
مكتبش في المدونه لمدة اكتر من سنتين

انا بحب مكانى هنا اوى بس اكتشفت ان الوقت سرقني والدنيا بتجرى

انا مكتبتش موضوع او تابعت المدونه من شهر 5 2007

مش عارف ايه اللى خلانى ارجع افتح المدونه تانى

يمكن تكون صدمتى انتهت واتمحت اثرها

او يمكن في كلام كتير عاوز افضفض بيه

المدونه دى كنت عاملها للمطلق مش لهدف معين

يمكن الحمدلله تكون عجبت ناس كتير

واكيد دا اللى سمح لبعض القله المنحله :) انهم يستغلوا لزوار

للاسف انا اكتشفت ان في ناس استغلت المدونه وانتحلت شخصيتي

واستقبلت اكتر من شكوى على ايميل المدونه

باسم مدونة يقطع الحب وسنينه

لم يحدث بيني تواصل وبين اى شخص من خلال المدونه من 2007

واى حدث او محادثه تمت بين احد الزوار وشخص م

نتحل الى شخصيتي انا غير مسئول عنها

مؤسس وكاتب المدونة

احمد خالد 2010

بجد مش مصدق

انا بقالى سنه كالمه بالتمام والكمال

مكتبتش

مش معقوله

بجد الايام بتجرى بسرعه اوى

انا هقوم دلوقتى اجيب ورقه وقلم واحاول اكتب انا عملت ايه في السنه دى

اه ماهو لازم اعرف انا عملت ايه في سنه بحالها

الايام بتجرى بسرعه اووى

اخخخ

شكلي هرجع اكتب تانى

سلاموز

closed shoya we rage3

خايف

خايف اقابلة

انا كنت بعيد خااااالص

وبدات احاول اقربلة

بس خايف

خايف ابعد تانى

اسوأ شعور بالخوف الانسان بيحس بية لما كان صغير شوية

وهو برا البيت وماشي مع مامتة وتكون شايلة حاجات كتير في ايديها ومفيش ايد فاضية تمسك ايدة ويدوبك ماسك في هدومها وهو خايف ايدة تفلت وتيجي واحدة كدا طول بعرض بارتفاع

تروح خابطاة ايدة تفلت وفي وسط الزحمه عيونة تغيب عن مامتة ومايبقاش شايفها

بتمر علية ثوانى كانها سنين

احساس بالخوف بيمر في جسمه كله رعشة بتخلي عينية تدمع من مجرد التفكير انة كدا مش هيشوفها تانى ولا انها هتقدر تجيلة تانى وتمسك ايدة

مليون فكرة بتلف في عقلة الصغير مابيقدرش يقاومها وبيبتدى يفقد الامل انة

ممكن يشوف مامتة تانى

وبيفضل يلف بعيونة في كل مكان ويجري كمان دا لو كان رجلية قادرة تشيلة ويجري من كتر الرعب انة كدا خلاص

فكرة واحدة بتسيطر عليه انة كدا

تاه

الشعور بالخوف دا ماليني ومسيطر عليا بس مش انى اتوه من مامتى وماشوفهاش تانى

بس انى اتوه عن الدنيا واروح ماقدرش ارجع تانى

انا حاولت ارجع تانى

ارجع للى احسن من مامتى

ارجع لربنا

بعد ماكنت بعدت اوى عنه

وبدات ارجع بس مفيش حاجة بتيجي بالساهل

الف حاجة وحاجة بتضعف اى انسان بتبدى تبان ادامة وتغرية انة يفضل كدا زى ماهو

يمكن يكون دا اختبار

بس كل انسان وعنده قدرة احتمال مش معقول هقدر اقاوم كل دا

خايف افشل في انى ارجع تانى للطريق للصح واضعف وافشل انى ارجع وتتقلب عليا وارجع اكتر من الاول

بس لما فكرت في كدا افتكرت ان الطفل اللى شعر بالخوف وانة تاه مش هيا دي نهاية حكايتة

لا

بعدها بشوية بيركز ويحاول يشوف في وسط دموعه اللى ملت عينية ويلاقي قلبة اللى كان بيدق وحس انة هيطلع برا جسمه من كتر الدق يلاقية رجع تانى وهدى والدنيا اللى بقت مزغللة من كتر دموعه تبدى تبان احسن ويلاقي مامته واقفة ادامة هيا كمان قالبها رجع مكانة

من كتر الخوف على ابنها وتجرى علية وتضمه ويحسو ان الدنيا ابتدت تضحك تانى وتمسك في ايدة كويس هيا هتبصلة جامد وتخلية يبكي اكتر بس دا من خوفها علية وانة مايعملش كدا تانى بس بسرعه هترجع تضحكلة تانى وتقولة

ماتعيطش بقا اديني رجعتلك تانى وبضحكلك اهو

لما افتكرت النهاية دى قلت مايمكن الدنيا ترجعلى تانى وتبقي احلى وتبصلي جامد وتقولى

ماتعيطش بقا اديني رجعتلك تانى وبضحكلك اهو

ياترى انا اللى المفروض اجرى علي الدنيا وانسي الاخرة ولا استني لما الدنيا تجيني لوحدها وتضحكلى ؟

بس انا مستني من زمان ولسا مضحكتش

ومن كتر ماستنيتها بعدت عنها وعن ربنا

انا مابقتش عارف افكر ولا اقرر

وكل اللى مسيطر عليا الخوف والتردد

مـ ــ ــ ــتــ ر د د

انيل حاجة في الدنيا لما تحس انك متلخبط ومش متاكد من مشاعرك

ولا عارف راسك من لامؤخزة رجليك

لما تبقي قاعد كدا تكلم في نفسك

وعمال تحسبها يمين وشمال

وتجبها كدا وتجبها كدا وتقول كدا لا لا لا كدا احسن

ييييييييية هو انا كنت المفروض اكتب كدا ولا مكتبش

هو انا ناقص تردد مش كفاية الموضوع اللى هيجنني

سلام

تخيلت اننا

تك..تك..تك

تك..تك..تك

ما اروع مشاهدة تساقط قطرات المطر
هكذا قال
ثم اكمل ولكنى كنت اتمنى ان اشاهدها معها
سارجوها مثل كل مرة ان تخرج معى تحت المطر ولكنها تابي فهى تقدس حياة المنزل وانا احب الخروج دائما ولكنها لا تابي الخروج تحت المطر فقط فهي تابى اشياء كثيرة مما اطلبها منها لا اكاد اطلب منها شئ او حتى اناقشها فية الا تبادرنى بنفس الكلمات التى تقتلنى كل دقيقة تكرر كلماتها في عصبية زائدة

-نحن لا نتشابة في شئ ووجهات نظرنا مختلفة كليا وانا لا استطيع ان افهمك نحن لم نكن نصلح لبعض ولكنة خطئنا ويجب ان نتحملة-

ولا استطيع انا غير ان ارجوها ان تهدأ وتسامحنى فانا احبها

ولماذا لا احبها فهى زوجتى ولكن هل احبها فقط لانها زوجتى؟

اذن فاين الحب الحقيقي ؟

وكيف سيوجد حب حقيقي مع عقليتان مختلفتان كليا ؟

وانا اعلم انها لم تعد تحبني فارجوها في كل مرة ان تشارك معى في شئ واحد ولكنها ترفض وترفض ولكنى ساحاول معها فانا اعشق الخروج تحت المطر وذهبت لها وبعد محاولات عديدة وافقت وذهبت لكى تغير ملابسها ونظرت ان لها

وتخيلت اننا

نجرى انا وهي تحت المطر دون ان ننظر وراءنا دون ان نخف من البلل فقط نفكر في اقتناص لحظات من الحب من الدفء فالجو يمطر بشدة ولا استطيع ان اراها ترتجف من البرودة ولكن من اين ياتى هذا الدفء؟ نعم فانا اضمها بين احضانى ما اروع هذا الاحساس قطرات الماء تحيط بنا والرياح الباردة تجاهد لكى تتغلب على انفاسنا الحارة ومجرد ان ضممتها الى احضانى استطعنا التغلب على كل هذا وعندما نظرت الى وقالت احبك شعرت بان المطر توقف عن مداعبتنا والرياح هدأت ووقفت لكى تستمع الى ماقاتلة

ثم نظرت لي وقالت في ضيق هيا بنا.لقد لبست ملابسها ومشينا حتى وصلنا لبوابة الفيلا فنحن اشترينا فيلا بعد ان تحسن مستوانا المادى كثيرا ولم تكد تعبر الباب حتى نظرت لي في استخفاف لقد ابتل شعرى سادخل لكى اجففة واذهب انت كما تريد لقد قلت لك لا احب المطر...نظرت لها جيدا

وتساءلت

هل هذة هي الحبيبة التى كنت انتظرها؟

هل هي من كنت اناجى القدر لكي يسعدنى بخبر وصولها؟

هل هي من كنت احبها في افكارى؟

هل هى من كنت ابكي من اجل تاخرها عنى؟

هل هى ... هل هى ...هل هى من كنت انادى لها اين انتى حبيبتي ؟

ولكنها الدنيا فههى لاتعطي الانسان كل شئ لقد اعطتنى حبيبة كما اردت واعطتنى المال ولكنها لم تعطنى الحب لم تعطنى حبيبة تصلح لى لكى لا اكون لاينقصني شئ فيجب ان اكون غير سعيد واسعي وراء شئ فالدنيا لا تعطى الانسان كل ما يتمناة
ويبدو اننى ساتركها تجفف شعرها وتهتم بنفسها لاجل ان تحلى في عينها هي كما تحب

وانا سامشي انادى
اين انتى حبيبتي؟

tag

تاج

تاج دا يعني مجموعة اساله بنبعتها لبعض ونجاوب عنها وانا هجاوب عن الاسئلة اللى بعتتهالى هوبا

تحذير:طويييييييييييييييييييييييييييييييييييل اوى

اسم مدونتك؟

يقطع الحب وسنينة
لماذا اخترته..وماهي نيتك من وراء اختياره؟

اخترتة من كتر ماشفت في الحب ونيتي اكتب عن مشاكلة وهمومة

هل فكرت في إغلاق مدونتك؟..والسبب؟

معتقدش انى هقفلها الا في حالة انى اتخنقت منها

صورتك في المدونة..رمزيتها؟

واحد بيشد في شعرة وشكله هيتجنن

رمزيتها حاسس انة عاوز يقول (ياخي يقطع الحب وسنينة)بس كدا
لماذا دخلت عالم التدوين من الاساس؟

سمعت عن المدونات كتير وقررت اعمل واحد اتكلم فية عن الحب بس دخلتة صدفة

احلى جمله قيلت لك فى وصف مدونتك؟

بلوجك جامد وبيتكلم عننا فعلا وبتكتب كاننا قاعدين مع بعض وبنحكى

التعليقات بالنسبه لك ..اهميتها؟

لو كاتب موضوع للمناقشة ببقي مستني طبعا اراء الناس انما لو كاتب موضوع عن نفسي مش بكتبة عشان التعليقات بس بستني تعليقات من ناس معينة

احلى بوست كتبته ...ضع اللينك ..ثم اذكر لماذا؟

اين انتى حبيبتي

http://7ob7ob7ob.blogspot.com/2007/04/blog-post_10.html

عشان كتبت فية حاجات انا حاسسها اوى وعجبت

ناس مهمين بالنسبالى

أفضل مدونة قرأتها؟

مدونات كتيرزى هوبا وريمو ومى وخالد وناس كتير

أفضل بوست قرأته؟

بوست عند هوبا اسمة وحشتني يا بابا عجبني اوى انها اتكلمت ووصلتلنا الاحساس اوى

حد قل ادبه فى التعليق..ايه رد فعلك؟

حصلت كزا مرة من شخص واحد بس عرفت بعد كدا انة مريض نفسي وعشان كدا مضايقتش اوى

أسوأ مدونة؟

مدونة بتاعة مش عارف واحد ولا واحدة بس كان تقريبا واحد بيتكلم على لسان واحدة وبيتكلم بطريقة سافلة والمشكلة انة كان بيقول ان كل بنات مصر زية كد

اأسوأ بوست..أسوأ مدون؟

اسوأ بوست لما يتكلم عن حاجة هايفة اوى او حاجة سافلة اوى

اسوأ مدون لما يكون مغرور او تافه او دمة تقيل وفاكر نفسة حاجة فظيعه

______________

هيحصل ايه لإيميلك لما تموت؟

فكرت فيها كتير بس كل اللى عاوز اعملة انى بعد ما اموت افتح مايلي واقول للناس انا مت عشان مايفتكرونيش حصلي حاجة وحشة ويقلقو عليا بعد كدا اعملة دليت
اديت الباسوورد لحد قبل كده؟

باسوردى = حياتى ماينفعش حد يعرفة
اسمك؟

احمد خالد

المشهور بيه وسط اصحابك؟

خوخة
عمرك؟

20

شهربرجك؟

السرطان 17/7
مجال دراستك؟

كلية تجارة
شخصيتك نوعها إيه؟

مينفعش حد يوصف نفسة بس هقول انى طيب اوى وبحب الخير للناس كلهاومجنون موووووووت بحب اعمل اى حاجة مجنونة واعملها مجرد ما تيجي في بالىوممكن كل شوية اكون بمود مختلفوبكرة الخداع والمجاملة
السفر بالنسبة لك؟

بحبة جدا وبحاول اسافر كتير

المود بتاعك؟

مودى بيتغير بسرعه جدا ممكن شوية اكون مطرقع وطالبة معايا تهييس وممكن شوية تطلب رومانسية واسمع حليم وفيروز

وقت فراغك بتعمل فيه إيه؟

بقعد على الكمبيوتر او بخرج مع اصحابي
الاكلة المفضلة؟

بيتزا
اكتر ست حاجات بكرهها؟

بكرة الناس ام وشين اللى بتخدع وتنافق وتجامل واللى بتخون

بكرة حد يقول عليا مغرور لانى مش مغرور خالص والله بس فية ناس بتفهمنى غلط

بكرة الشتا

بكرة الصحيان بدرى

بكرة الاحصاء

بكرة الناس اللى معندهاش مشاعر واللى بتقول ان البكى ضعف

اكتر ست حاجات بحبها؟

بحب الخوخ موووووووووت

بحب الحياة اوى

بحب المطر اوى اوى اوى

بحب الاهلى جداااااااااااااااا

بحب الكمبيوتر بشكل فظيع

بحب اسمع عمرو دياب وتامر طول وقتى

الشغل بالنسبة لك؟

اثبات وجود واكتساب خبرات سواء في الشغل او في التعامل مع الناس وعلاقات جديدة وطبعا خروج من البيت وقعدة البيت في وش بابا الشغل بيهونها جدا واكيد فلوس يعني

الانترنت بالنسبه لك؟

كل حياتى لما ببعد عنه فترة بحس انى ناقصنى حاجة كبيرة اوى

----------------------------

هل كنت طالب شاطر فى المدرسة ؟

وانا في ابتدائى كنت بطلع الاول على المدرسة بعد كدا بلاش

اقول

إيه أكتر مادة حبيتها في المدرسة والكلية؟

الانجلش بحبة جدا والعلوم في الكلية حبيت المحاسبة

إيه أكتر مادة كرهتها في المدرسة والكلية؟

الاحصاء بكرها كره العما

اكنت عايز تطلع إيه وأنت صغنن؟

كان نفسي اطلع طيار واتقدمت فعلا للكلية بس سقط في الاختبار الاخير

----------------------------------------

SECTION 1 - last beverage؟

كابتشينو2.

2.last phone call

اكمن انا اللى موصل النت واحد اتصل بيا الساعه 6 الفجر بيقولى النت قاطع

3.last instant message?

كلمنى شكرا... :)
4.last cd played?

تامر حسني..البون يا بنت الاية
last time you cried?

من سنتين ومن يومها بحاول ابكى بس الدموع مابتنزلش
6.last text message?

اللى اتصل بيا عشان النت قاطع كلمنى على المسنجر بيقولى النت بطئ مع اننا 2 ميجا ....انا زهقت من الشخصية دى
Section 2 - Have You Evers1. dated someone twice؟

اة بس مش كان حب دول كانو بيكلمونى على المبيل ومكنتش اعرفهم وكانو عاوزين يشوفونى ايدتهم معاد في نفس المكان ...بس جت فوق دماغى
. been cheated on?

لا
kissed someone & regretted it?

لا لا لا ومش عاوز افكر في الموضوع دا ... بس نفسي طبعا :)

lost someone special?

الحمد لله لا
5. been depressed?

ساعات كتير لما الدنيا بتقفل معايا ساعات مابقاومهاش وبكتئب

6. been drunk and threw up?

لا
Section 3 - List 3 Favorite Colors

الابيض

الاصفر

الاسود

Section 4 -This month have you Made a new friend?

ايون
2. Fallen out of love?

اة :(
3. Laughed until you cried?

لما بكون مع اصحابي وبنهييس او لما بقرا جرنال الدستور
4.Met someone who changed your life?

قابلت بس ماغيرهاش اوى
5. Found out who your true friends were?

الحمد لله بيبانو وقت الشدة وبيقفو جنب الواحد وبيتعرفو بعد ما تحتاجلهم فعلا وساعتها بيبقو اصحاب انتيخ
6. Is there something you want to tell someone?

حاجة واحدة نفسي اقولها وبقالى سنتين ماقولتهاش نفسي اقول كلمة
حبيبتي
7. Would you kiss anyone on your top friends?
لما بنتقابل لازم نسلم ونبوس طبعا
8. How many people on your top friends do you know in real life?

موش فاهم تقصدى اية
9. How many kids do you want to have?

ولد وبنت وكلو بامر الله
10. Do you have any pets?

كان عندنا عصافير كتييير وطيرتهم وانا صغير
ولما كبرت اشتريت عصفور وعصفورة بس بعتهم عشان مكنش فية اي انتاج -فاهمين طبعا-

وربيت كتاكيت جبت 10 كتاكيت

اربعه ماتو من السقعه

وتلاتة النمل كلهم

و واحد كان بيضربهم بمنقارو قمت معزبة في المية قام مات

وواحد الباب قفل على رقبتة

والوحيد اللى عاش كبر لحد ما بقا ديك وبيدن مرة كان واقف على السور بيدن دخلت اشوفة

اتخض

قام واقع مات
11. Do you wanna change your name?

لا
12. What did you do for your last birthday?

ناس كتير نستني واصحابي الانتيخ هما اللى افتكرو

بس قضيتها في اوضتى لوحدى
13. What time did you wake up today?

الساعه 3
14.What were you doing at midnight last night?

كنت بنزل افلام جديدة

15. Name something you CANNOT wait for?

الكمبيوتر اول لما بصحي بنزل من على السرير بفتحه

والخوخ بستناه من الصيف للصيف بفارغ الصبر

16. Last time you saw your father?

امبارح بليل لما قفل الباب في وشي لما كنت بقولو مصروفى خلص
17. What is one thing you wish you could change about your life?

كان نفسي اتولد سنة 3000 عشان اشوف الكمبيوتر هيبقي متطور اد اية
18.What are you listening to right now?

بوب مارلى..نو ومان نو كراى
20. Have you ever talked about someone behind their back?

لما حد بيعمل حاجة تضايقنى بتكلم عن الحاجة بس مش بقطع فى فروتة يمكن نمسك حد نقطع فى فروتة وانا قاعد مع اصحابي نمسك حد وننزل علية تريقة
21.What’s the last piece of clothing you borrowed from anyone?

قميص صاحبي وشكلى هنفض واخدة
22.Who’s getting on your nerves right now?

اان المصري بيتهان برا بلدة

وجواها
Most visited webpage?

البلوج بتاعى
24. Coke or Pepsi

coke
25. Mac or PC?

pc
so to whom i will send the tag ??????!
للاسف اغلب اصحابي معندهمش بلوجات واللى بتابع بلوجاتهم حاليا كلهم راحلهم نفس التاج

اين انتى حبيبتي ؟

حبيبتي
حبيبتي
حبيبتي
كلمة فارقت لسانى منذ زمن
ولكنها لم تفارق خيالي ولو للحظة من الزمن
حبيبتي
انا اعلم انك ستأتى وتروى عطشى
لقول هذه الكلمة
حبيبتي
اعلم انك مثلي تنتظرين قولى
حبيبتي
ولكن لم الانتظار فلقد طال انتظارى فمتى تسعديني يا اقدارى
وتزفي لي خبر وصول حبيبة افكارى
نعم انى احبك في افكارى واحلامى
منذ بدات حياتي وحتي مماتى
سأظل احبك حتى في كلماتى
ولكن الى متى
الى متى ساظل اتشوق
لرؤية وجهك
ومسك يدك
ولدفئ حضنك
ولمس روحك عندما تتعانق انفاسنا
انفاسنا التى اتمنى الا تذهب مع الرياح
لكى لا اكون وحيدا مرة اخرى
بدونك اشعر بوحده تضفي على العالم ظلمة
تنيريها بروحك وقلبك
انتظرك فمتى تأتين
لقد انتظرت سنين
امازلتى تختبئين
لقد امتلئت حنين
الا تشتاقين
لسماع كلمة
حبيبتي
اكتب اليكي فمتى تقرأى
كلمات حبي لكى التى لا تنتهى
احبك واحبك واحبك
حتى تفنى الحياة احبك
حتى تشفي احلامى من مناجاتك احبك
حتى ترجعين لى قلبي احبك
حتى تجرى في عروقى الدماء احبك
فانا جسد بلا روح
تبخر دماه
وملامسة شفاهك دواه
فمتى ترجعين الحياة
لانسان انتظارك ابكاه
انسان يحتاج الى فتاة
تنسية ما عاناه
من انتظارها
فكتب ينادى لها
اين انتى
حبيبتي
_________________________________________
بجد وحشتينى من غير ما اشوفك وبحبك مهما كانت ظروفك اللى عنى مأخراكى وخلتنى اكتبلك يا حبيبة افكارى
_________________________________________
بصراحه انا مش عارف دا يتقال علية شعر ولا خواطر ولا اية بس اللى اعرفة ان هيا دى احاسيسى للبنت الى بحلم بيها

بوتلز

فاضيين وزهقنا من اللى بنعمله كل يوم

قلنا نلعب بوتلز ونشرد لبعض شوية

ندور على اى ازازة مالاقيناش قلنا عادى مالها الموبايلات اهى ينفع تتلف وخلاص

وبدانا سؤال هنا وسؤال هناك لحد ماجه السؤال على الوحيد اللى فينا مش سنجل

ودا اللى حصل

(-انت بتحبها؟

اه-

طب لية بتقول انك مش هينفع تتجوزها لو كملتو مع بعض؟-

لان ماينفعش اتجوز واحدة مشيت معاها في يوم !!!!!(مشيت هنا بمعنى ارتبتط)-

نعم طب وفيها اية مش انتو الاتنين بتحبو بعض -

اة -

---طب اية المشكلة انك تتجوزها---

انها سمحت لنفسها تكلم واحد وتخرج معاه وتحبة وكدا-

انت هتجننا يبني مش اللى بتخرج معاه وبتحبة وبتكلمه دا يبقي انت-

وانا اعرف منين انها مش هتقول كدا لاى واحد تانى-

مش هتقول كدا لاى واحد تانى لانها بتقولك انت وبتحبك انت-

حتى لو ... كفاية انها عملت كدا-

طب دا هيا بتعمل كدا وعلاقتكم ببعض محترمة جدا....امال لو كنت غلتط معاها كنت هتقول اية-

واحد تانى رد - نعم ..غلتط معاها دى ماعرفهاش تانى اصلا واستحاله افكر انى اتجوزها لانها ممكن تغلتط مع حد تانى يبقي ازاى اتجوزها

اولا هيا غلتط معاك انت مش مع حد تانى ثاني-

ثانيا هيا عملت كدا عشان بتحبك انت مش بتحب حد تانى ولو مش بتحبك عمرها ماكانت عملت كدا

وانت كمان (للاولانى) تقدر تقولى اية المشكلة انها تكلمك وتحبك

المشكلة انها بكدا مش محترمة ومتستاهلش تكون مراتي لانها سمحت لنفسها تحب واحد وتكلمو وتخرج معاه ومفيش -اى حاجة رسمية مابينهم

طب يبني ما هو لازم ترتبط باللى ناوى تتجوزها عشان تعرفو بعض كويس قبل مايكون فية بينكم اى حاجة رسمية-

امال انت ناوى تتجوز ازاى

لا انا يوم ما هتجوز عمرى ما اتجوز واحدة مشيت معاها في يوم-

معنى كدا انك هتتجوز جواز صالونات ماما تشوفلك بنت كويسة وبنت ناس وانت تقوم رايح تقعد في الصالون وتطلب -ايد البطيخة المقفولة اللى ماتعرفش هيا بنت ناس فعلا ولا لا وممكن تكون كانت مرتبطة زيك قبل كدا وكمان متعرفش ازا كانت شخصيتها تنفعلك ولا لا

_________________________________________

طبعا مش كل الشباب كدا بس معقولة في حد بيفكر كدا

وكمان التفكير دا صح ولا لا

طبعا انتو عارفيين رايي

بس انا عاوز اعرف رايكم

هو الحب لية سن يا بني ادمين؟

سؤال قابلنى كتير هو الحب لية سن ؟
انا عن نفسي هرد واقول لا طبعا مالوش سن لو هنتكلم على الحب الطبيعي بين رجل وامرأة استحالة يبقي لية سن لان مشاعر الحب دى اقوى من مشاعرك وانت عندك برد دا حتى البرد ممكن تعرف تتحكم فية وتشرب لمون انما الحب دا هتشربلة اية ...انت ممكن تحب حد في اقل من ثانية ودا الحب من اول نظرة وممكن تحب كدا من غير ماتحس ومتعرفش انك بتحب غير لما اللى بتحبة دا يبعد عنك ممكن تشوف واحدة في الجامعه او النادى او حتى في مترو ماتبقاش قادر تبعد نظرك عنها طب ما احنا ايام المدرسة كنا بنحب وايام الجامعه بنحب وفية ناس عندها بتاع 60 سنة ممكن تحب طب ازاى نقول ان الحب لية سن معين....اللى خلانى اسال السؤال دا ان فية كزا حد علق في البوستات بيقول اننا لسا صغيرين واننا بنحب حب مراهقة وفيي حد كتبلي (انتو لسا عندكو بتاع 20 او 21 سنة يعني لسا صغيرين على الحب) يالاهوى 20 او 21 وصغيرين على الحب طب لو ماحبناش دلوقتى هنحب واحنا كام سنة انا اعرف ناس اتجوزت وهيا عندها 20 سنة عن قصة حب يبقي ازاى حبهم دا كان حب مراهقة استحالة يبقي حب مراهقة لان حب المراهقة دا مابيبقاش مشاعرة حقيقية او مش مكتملة اوى معقولة 20 سنة ولسا حبنا حب مراهقة ...انا هتجنن...

..ويبقي السؤال ________هو الحب لية سن يا بني ادمين______؟

حب الانترنت

انا عارف ان ممكن يكون موضوع اتسمع كتير

وهو حب الانترنت وتقريبا عارف ان في الغالب بيتقال عنه انه مجرد لعب عيال او احاسيس مش حقيقية او او الطرف اللى بيقول انو بيحب بيبقي كداب وبيقول كدا عشان يوصل لحاجة .

تعالو نبص للموضوع من زاوية تانية اية المشكلة لو حد حب من على الانترنت انا عارف ان ممكن يكون كل واحد من ورا الشاشة بيكدب وبيالف وممكن يكتب هههههههه وهو قالب وشة ومخنوق او ممكن يقول انو بيحب واحدة وياخد الكلمة كوبي ويرزعها في كزا كونفرسيشن مع كزا بنت وكل واحدة تفتكر انة بيقولها هيا بس الكلمة دى..........لكن صوابع ايدينا مش زى بعضها

يعني زى ما في ولد او بنت بيكدبو اكيد في ناس تانية مش بتكدب وبتقول اللى بتحس بية فعلا ومش معنى اننا بنتكلم على الانترنت بس يبقي لازم نكدب ممكن نكون بنقول كل حاجة عن نفسنا بصراحة وعلى فكرة انا اعرف اتنين اتجوزو وكانو اتعرفو اصلا عن طريق النت وانا نفسي منكرشس انى حبيت واحدة على النت بس مش بمعنى الحب العادى لا حبيت فيها شخصيتها اللى بينتهالى وانا عارف طبعا انها ممكن متكونش شخصيتها الحقيقية بسانا حبيت شخصيتها دى ولو ربنا كان كاتبلنا اننا نتقابل واشوفها في الحقيقة ممكن ارتبط بيها

عاوز اعرف رايكم وتعلقو على رايي دا صح ولا غلط

جواز الصالونات

الكاتب: ميدو

مين ميدو دا بقا: ميدو دا احد اعضاء الجروب

ودا اول موضوع لية وانشاء الله ميكونش الاخير

جواز الصالونات
طبعا كلنا عارفين جواز الصالونات بتاع اليويمن دول واللى قبليهم كمان يمكن من ايام تيته الحاجه وجدو افندى بس كنت عايز اسئل اى بنت تعملى ايه لو بتحبى واحد وجه يتقدملك واحد تانى جاهز من كل حاجه شقه وعربيه وفلوس والمشكله الاكبر فى اهلك انهم موافقين وخصوصا انك رفضتى كذا عريس قبل كده يعنى اتحطيتى فى موقف يا اما تزعلى اهلك وترفضى العريس يا اما تخسرى حبيبك اللى انتوا الاتنين بتموتوا فى بعض ؟؟؟
السؤال التانى بقى للولاد انت لو اتحطيت فى الموقف ده وحبيبتك هتسيبك علشان خاطر اهلها موافقين وخلاص حبيبتك هتروح منك او يعتبر راحت منك هتقول ايه وهى بتتصل بيك لاخر مره وتقولك انا خطوبتى بعد اسبوعين ): ؟؟؟ وهل هتتمنالها السعاده ولا هتكرهها وتكره اليوم اللى شوفتها فيه ولا هتدعى ان ربنا ياخدها وياخدك وتستريح (:
طبعا كل واحد ودماغه وكل بنت ودماغها بس ياريت اعرف كل واحد او واحده هتعمل ايه
وعلى فكره الموقف ده حصل معايا (:

انا بحبك اوى اوى .....بس زى اخويا

اولا: انا حابب اسلم على كل اللى زارو وبيزورو وهايزورو البلوج انشاء اللة

ثانيا: اخيرا كلنا خلصنا الامتحانات وربنا يسترها

ثالثا: بقا انا هتكلم المرة دى عن عنوان البوست دا

انا بحبك اوى اوى .....بس زى اخويا
اعتقد انة مفهوم وطبعا انا مبغلطش البنت او الولد اللى يقول كدا لا دا انا احترمة جدا لانة قال الحقيقة وصدم اللى قدامه
الحكاية دى حصلت كتير معاك ومعاكى ومعايا

الا بقا لما حصلت معايا كانت بنت امورة وشخصيتها حلوة اوى حبتها ....اة ....هيا حبتني ....اه.....اوىاوى...بس زي اخوها تمام تخيلو شكلى قدام نفسي وانا بسمع الكلمة دى هيا طبعا مكدبتش عليا بس كل تصرفاتها كانت بتدل انها بتموت فيا واللى حصل معايا دا فية غلطة يا اما منى وانا فهمت حبها الاخوى غلط يا اما منها وهيا حسستني بمشاعر الاخوة بس بشوية تسبيل ونحنحه يعني بزياده وعشان كدا وعشان محدش يتحط في الموقف البايخ دا يا ريت محدش يحسس التانى بمشاعر الاخوه اوى اوى

المعزب أ.خ

بحبك ...وانا كمان

عندى ثقة فيك عندى امل فيك بيكفي شو بدك يعني بعد فيك عندى ولبع فيك شوبدك انو يعني موت فيك موت فيك صدق ازا فيك

دى مقدمة اغنية من احلى الاغانى الفيروزية اللى بعشقها

اولا عشان صوتها ثانيا عشان لبنانية حاكم انا بحب لبنان واللبنانين كتير اوى
وبالمناسبه دى وعلى غرار مقولة ابو بلاش كتر منة انا ببعت سلام مليان حنان وشوق وحب لاجمل بنوتة لبنانية شفتها بحياتى
بايلر بيتهيألى انها لما تقرا الاسم هتعرف نفسها
ندخل في الموضوع مباشرة
في ناس انتقدتنى كتير اوى على اساس ان مش الشباب كلها بريئة والبنات مجرمين
ان فية بنات ببرضو جدعه وبتحب لاخر قطرة من ازاة البيبسي اللى قدامهم
بس دا قليل جدا انا نفسي حصلت معايا اكتر بنت حبتها بحياتى اتخطبت هو فعلا انا مكنتش اقدر اتقدم لكن برضو كان لازم تقاوم شوية ومش تستسلم مع انها كانت بتقول زى كلمات الاغنية انها بتموت فيا وتموت لو بعدنا عن بعض
مع انها لحد دلوقتى لسا عايشة ولا ماتت ولا حاجة
ياجماعه اللى بتكلم فية ان البنات بيتقدملها خطاب بدرى يعني لو انا لسا متخرج وبحب واحده قدى او لو حتى كنت في الكلية اعتقد ان من المستحيل ان العلاقة دى تكمل لان مليون في المية هيجيلها واحد بتاع 35 او 40 سنة جاهز يشيل على طول وهيا تتجرز وتفرح وانا اموت بحسرتى
عرفتو لية انا بلعن ابو الحب

ربنا يسامح البنات كلها على العزاب اللى بتورية للشباب

حوا ---بنات----نساء----مهمهات---زوجات---يعني من الاخر الحريم

لو إنطفأت الانوار وأصبح العالم مظلما تساوت كل نساء الدنيا

المقولة دى انا سمعتها في مسرحية وجهة نظرو اللى قالها اكيد واحد عظيم مش عارف اسمة بس اكيد عظيم

بس لو فكرنا فيها هنلاقيها بتفتح ابواب مغلقة كتير وبتفتحها على مصراعيها كمان -حلوة مصراعيها دى-

لية بقا عشان فعلا لو الدنيا ضلمت النساء والبنات كلهم هيتساوو ومش هتفرق خالص حلوة من وحشة بيضا من سمرا

لكن اعتقد ان الرفيعة والطخينة هيبقا في اختلاف بينهم!!

ماعلينا مش دا بس اللى هيحصل لو النور قطع عن العالم لكن اسرحو معايا كدا شوية الدنيا

الدنيا ضلمة والناس ماشية تخبط في بعض ومحدش شايف التانى واكيد اكيد الشعب المصري بما انة شعب سباق وعنده دماغ نضيفه هيخترع سيم عشان الناس تعرف بعضها سيبوكو من كدا الحتا المهمة جاية اهية

لما الدنيا تضلم ومحدش يشوف التانى يعني هتصحي الصبح هتقول انا كدا كدا محدش هيشوف شكلى فتنزل من غير ماتسرح شعرك او تعملى شعرك سشوار

وكمان هتنزل\ى باى هدوم عندك يعني ممكن تكون مش مكوية او زرار مقطوع او متوسخة او مبقعه او مقطعه بالمرة -القافية تحكم-

اللى اقصدة ان الناس هتبقي على طبيعتها من غير الشياكه في الهدوم او الحتا اللى على الحبل او الشعر اللى -مضروب جل- او كيرلي

يعني كل اللى هيبان من البني أدم شخصيتة وبس مش مظهر وشياكة

هل ساعتها هتختلف نظرة الناس للناس التانية يعني الهدوم والشياكه ممكن تكون اهم من الشخصية او لو واحد لبسة على قدة معنى كدا ان شخصيتة مش حلوة

من الاخر هل الفلوس والمظهر والهدوم ممكن يعملو بني أدم ؟؟

او المظهر ممكن يغير فكرة الناس وتخليها تنخدع في الناس التانية

المظاهر خداعه

ولا دا كلام وخلاص

اصحاب ...اصحاب ...اصحاب ...عزاب ..عزاب ...عزاب..

دول نمازج من اصحابى اللى اتبهدلو بالحب

ودول من الشباب اياها -اللى بتضرب شعرها وتسقط البنطلون-لكن تعالو نشوف دلوقتى وصلو لاية

اتعذبو واتشحتفو وسهرو اليالى

وفي الاخر كلنا في الهوا سوا

الجروب بتاعنا من كتر البهدلة سميناة سنجلز single`s لاننا كلنا بقينا فعلا لوحدنا

اللى حب واحده ونفضتلة

واللى حب واحدة واتخطبت وانا اولهم

واللى استعبط على اساس انة هيعرف غيرها بكل بساطه

المهم اننا ضيعنا وقت كبير جدا من حياتنا في شوية تفاهات
تخيلو اننا وصلنا لدرجة ان الموت هو اللي هيريحنا وفى ناس مننا بتفكر في فكرة الموت كخلاص من الحياة او كراحه!!!

ايوة تفاهات !!!!!!!!!

بيتهيألى انى اسيب حد من اصحابى يتكلم عن نفسة ويعلق على فكرتى .......