جواز الصالونات
.jpg)
الكاتب: ميدو
مين ميدو دا بقا: ميدو دا احد اعضاء الجروب
ودا اول موضوع لية وانشاء الله ميكونش الاخير
جواز الصالونات
طبعا كلنا عارفين جواز الصالونات بتاع اليويمن دول واللى قبليهم كمان يمكن من ايام تيته الحاجه وجدو افندى بس كنت عايز اسئل اى بنت تعملى ايه لو بتحبى واحد وجه يتقدملك واحد تانى جاهز من كل حاجه شقه وعربيه وفلوس والمشكله الاكبر فى اهلك انهم موافقين وخصوصا انك رفضتى كذا عريس قبل كده يعنى اتحطيتى فى موقف يا اما تزعلى اهلك وترفضى العريس يا اما تخسرى حبيبك اللى انتوا الاتنين بتموتوا فى بعض ؟؟؟
السؤال التانى بقى للولاد انت لو اتحطيت فى الموقف ده وحبيبتك هتسيبك علشان خاطر اهلها موافقين وخلاص حبيبتك هتروح منك او يعتبر راحت منك هتقول ايه وهى بتتصل بيك لاخر مره وتقولك انا خطوبتى بعد اسبوعين ): ؟؟؟ وهل هتتمنالها السعاده ولا هتكرهها وتكره اليوم اللى شوفتها فيه ولا هتدعى ان ربنا ياخدها وياخدك وتستريح (:
طبعا كل واحد ودماغه وكل بنت ودماغها بس ياريت اعرف كل واحد او واحده هتعمل ايه
وعلى فكره الموقف ده حصل معايا (:
طبعا كلنا عارفين جواز الصالونات بتاع اليويمن دول واللى قبليهم كمان يمكن من ايام تيته الحاجه وجدو افندى بس كنت عايز اسئل اى بنت تعملى ايه لو بتحبى واحد وجه يتقدملك واحد تانى جاهز من كل حاجه شقه وعربيه وفلوس والمشكله الاكبر فى اهلك انهم موافقين وخصوصا انك رفضتى كذا عريس قبل كده يعنى اتحطيتى فى موقف يا اما تزعلى اهلك وترفضى العريس يا اما تخسرى حبيبك اللى انتوا الاتنين بتموتوا فى بعض ؟؟؟
السؤال التانى بقى للولاد انت لو اتحطيت فى الموقف ده وحبيبتك هتسيبك علشان خاطر اهلها موافقين وخلاص حبيبتك هتروح منك او يعتبر راحت منك هتقول ايه وهى بتتصل بيك لاخر مره وتقولك انا خطوبتى بعد اسبوعين ): ؟؟؟ وهل هتتمنالها السعاده ولا هتكرهها وتكره اليوم اللى شوفتها فيه ولا هتدعى ان ربنا ياخدها وياخدك وتستريح (:
طبعا كل واحد ودماغه وكل بنت ودماغها بس ياريت اعرف كل واحد او واحده هتعمل ايه
وعلى فكره الموقف ده حصل معايا (:
.jpg)
35 comments:
hi am glad to read this very fine topic about love and broken hearts ,,but all i can say what if any 1 of u ,who tried to love never been in love am sure that u wouldnt be happy at all ,,and just wished to hv the chance to love even for not real ..and also u still young u can love or have the chance along the next 15 or20maybe years??........see u soon ahmed khaled
ur cosien..dr a***
يا جامد يا معلمى ايه المواضيع الجامده دى موضوع حلو والله عرفتنى ولا .......على العموم انا مش عندى رد بس انا عايزه اقولك الموضوع جامد..........رخمه صح
اولا البيلوج بتاعك جديد وفكرتة جامدة جدا
ثانيا بقى بالنسبة لموضوعك
انا اتعرضت للموقف دة اكتر من مرة
انا مرتبطة بحبيبى من5 سنين وكنت لسة صغيرة ومكنتش فاهمة انة هيجى وقت ناس غيرة تتقدم لى ولازم بقى اشوف حجة تنفع ارفضص بيها وكدة
بس الموقف دة حصل معايا 3 مرات
وكل مرة كنت بتحجج بحجة تنفع يعنى
مرة فرق سن ومرة مستواة التعليمى اقل منى مينفعش ومرة مش هعيش فى بلد تانية
وكل مرة بحوار جديد المهم يعنى
انى مش هسيب حبيبى دة حتى لو فضلت كدة10 سنين قدام
صعب اوى نلاقى الحب الى بجد مرتين فى حياتنا
نايس بوست ونايس سؤال
وابقى جاوب انت ع السؤال التانى ياريت
هستنى الاجابة
عارف يا ميدو اية الفرق بين النور والضلمة اكيد بيبقي واضح ان الضلمة قريبة من الموت والنور قريب من الحياة انا بقا وبحس ان الدنيا كلها نور وبهجة وبتنطق كدا من كتر الفرحه لما حبيبتي بتكون معايا وبحس ان الدنيا ضلمة جدا لما بحس انى لوحدى ولما حبيبتي تكون مش معايا انا اتحطيت في نفس موقفك بس اللى حصل معايا انها تعبت وجت على نفسها وبعتتلي ايميل قالتلي فية انها اتخطبت وانى اشوف طريقي مع واحدة تانية لانها اتخطبت لواحد عندة شقة وعربية وعنده محل باسمة وباباة عندو شركة...........انا عارف انها انسانة مكنتش تستاهل حبى لانها باعتني عشان الفلوس بسهيا كان عندها حق لسا هتستنانى انا اللى بدرس وباخد مصروف من بابا لا ولية ماتاخد الجاهز ابو عربية .........ربنا يهني سعيد بسعيدة
ميرسي ليكي اوي يا هبة على مشاركتك في بلوجى ويارب نبقي على اتصال دايما ببلوجات بعض واهلا بيكي معانا
شكرا ياهبه على ردك بس انا مش بقول انها تصبر كتير انا كنت عايز بس احس انها متمسكه بيا بس الحمدلله انها اتخطبت احسن برضه
وانتى ربنا يوفقك وحبيبك يتقدملك ويكون جاهز وتتجوزوا ان شاء
الله .....بس متنسوش تعزمووووونى
mido_z77
موضوع جامد جدا ياميدو انت عارف انى على طول معجبة بتفكيرك ربنا يزيدك ويكرمك بس مش دى النهاية وانت عارف كدة كويس مش هاقولك لانى بجد عارفك كويس وعارف تفكيرك كبير وعقللك الللة اكبر بس move on بس هو دة الى هاقولة انت وهتعرف هتعمل اية مش هاطول عليك لانك عارفنى كويس وعارف راى معاك ربنا يكرمك ويحقالك كل احلامك يامعلم . اختك سارةوعلى فكرة احمد اخاسر الكبير دة ربنا معاة لانة بجد شكلة طيب مووت والحياة ملغبطة جدا بس خالية يفهم صح الى ادمة الحياة لعبة لازم او نحاول نطلع منها فايزيين الى حد كبير . احتكم سارة
ازيك ياساره شكرا على ردك وطبعا احنا عارفين دماغ بعض فامش هنتكلم كتير ربنا يوفقك يارب ونفضل انا وانتى على طول اخوات ........
وطبعا انتى عارفه مين تالتنا التلت الطيب اللى فينا :)
mido_z77
سارة انا بجد مش لاقي كلام اقولهولك غير انك من اكتر الناس اللى بقيت استني تعليقهم على المواضيع
وميرسي على حكاية انى طيب دى
وبجد انا اتشرف انك اعتبرتيني اخ ليكي وصدقيني هحاول اطلع من اللعبة محقق اعلى اسكور
وانا بشكر ميدو جدا لانة اول مرة يعمل حاجة صح وهيا انو عرفك على البلوج بتاعنا ;)
السلام عليكم ازيك يااحلى ميدو فى الدنيا يااحلى اخ ليا بجد ربنا يكملكنا كلنا بعقلنا ويخليكم شلتكم وشلتنا انا وانت وتالتنا الطيب مووتتتتتتتت بجد انت اول ماعرفتنى البلوج دة ماكنش عاجبنى وكنت مش بحب اكتب اى رد بس بجد دلوقتى قولت اجرب والحمد للة كلكم دلوقتى ممكن تكونوا بداتموا تفهمونى يمكن انت ياميدو اعرفنى اكتر واحد طبعا وفاهم تفكيرى كويس جدا علشان كدةبقولك لا كمل انت مش نقصك حاجة غير الثقة بس مش تزعل منى طبعا بس دة رايى مش انت بس لا كلنا عايززين ثقة وارادة بجد ربنا معانا ويوفقنا وميرسى مووت لاحمد على اسلوبك الكويس معايا وانابحمد ربى على انى عرفت ناس زاييكم كدة واكيد الى عرفنى عليكم اخوى العزيز ميدو ميرسى يامعلمويارب نفضل على طول اصحاب نفيد بعض
hi mido
ازيك ياولد وحشتنى مووووت وايه المواضيع الجامده دى
عموما انا مكش بحب جواز الصالونات ده خالص وان شاء الله اتجوز البنى ادم اللى يحبنى واحبه من غير جواز صالونات ولا حاجه وانت ان شاء الله يوفقك وتتجوز البنت اللى تحبها وتحبك وتستحقك لانك بجد ولد كويس اوى اوى واى بنت تتمناك
اختك دودى
ازيكم يا جماعه انا عايزه اقول ان الموضوع حلو اوووى انا عن نفسى مش بايد جواز الصالونات ده خالص لانه بحس انه مش حلو ان واحد يجى يشوف واحده وبعدين اياما تعجبه ياما لا وكانه هيشترى شى وكمان ممكن تكون الشخصيتن مش مناسبين لبعض والفلوس لوحدها مش كفايه اهم حاجه التوافق فى الافكار والطباع انا كمان عايزه اقول لsaso 52انى معجبه اووى بارائها وربنا معانا كلنا .......... دوللى
وبعدين بقا هو مفيش غير اراء ميدو ودوللى وسارة بس هيا اللى حلوة والباقي كلة قلش ولا اية سارة تخش تشكر في ردود ميدو ودوللى تخش تشكر في ردود ميدو وسارة وميدو يخش يشكر في الاتنين وانا ولا حتى اى كلمة كدا حتى لو مجاملة ماشي مفيش مشكلة انا اسيبلكم البلوج بقا وقضوها شكر زى ما انتو عايزين
;)
:)
بيييس اوى كدا
طبعا انا بهزر والبلوج دا منور بميدو وسارة ودوللى وبقيت الناس كلها وانا الوحيد اللى مش بنور هنا
لاي اعم مانت منور اهو زى اللمبه القلاووووووووووووظ ولا انت مش شايف نفسك
وبرضه مش هقولك قلت لبهظ ايه وفضل يضحك نص ساعه (:
mido_z77
ياعم قلاووظ قلاووظ بس اعيش واحب واشوف الدنيا مش لفضل قافل على قلبي بقفل
وبعدين مع ان الفضول هيقتلني
بس مش هتحايل عليك عشان تقولى حاجة
السلام عليكم ازيك ياميدو وازاى احمد وكل شلتكم انا اولا بشكر الى بستحق الشكر مش لان انا وميدو اصحاب ولا حاجة لا انا بردة معجبة جدا باسلوبك ومعجبة انك بدات تغير او نتفق على نقطة واحدة انا وانت يااحمد بس الحوار كلة انى علشان عارفة ميدو كويس وفاهمة تفكيرة بالذات فى حوارات الحب فابشجع مووت دماغة ولانك مختلف عن تفكيرة الى حد ما بس بوضح نقط انا وانت مع بعض علشان كل الناس الى بتخوش تشركنا فى الراى ياجمعا هو انا بس الى بفكر كدة لا وبعدين انا او دولى بنشكر فى حوارواحدبس جواز الصونات لانة بجد موضوع مهم جدا جدا بالنسبة للبنات ميرسى يااحمد على اسلوبك بس انا فهمت انت عايز توصل اية حتى لو كان هزار سلام واتمنى اننا نقدر نعمل حاجة اختكم سارة
بص يا سيدى انا لو موش هقدر اجوزها
هقولها انا ما بحبكيش واسيبه تعيش حياتها
اصل انا موش بتاع نشق الحياه ونبنى بيتنا طوبه دهب وطوبه فضه ..معاك فلوس اجوز الى بتحبها موش معاك سيبها تعيش حياتها
khaled
اية يا باشا الدماغ دى هيا دى الدماغ اللى تنفع اليومين دول بس انت مش واخد بالك انك لما تحب وانت ممعكش فلوس هتحس اوحش شعور في الدنيا كلو واستحالة تقدر تبعد نفسك عنها عشان مش معاك فلوس لان دى حكاية صعبة اوى
ميرسي لمرورك وهستني ردودك
السلام عليكم انا مع رائى خالد بصراحة لانى بجد اعرف ولد عمل كدة معايا فى الجامعة وبجد احترامتة جدا هو حب واحدة بس ظروفة مش سامحة انة يتربط بيها الا بعد حوالى 6 سنين وفعلا انا الموضوع دة خالى كل الى عرفنى الحوار يحترموة جدا جدا ياجمعا انا نفسى نفكر بعقلنا اكتر من قلبنا اكيد الحب شى مهم جدا بس بجد الواحد فى حاجات كتيرة مهمة خالد انا نفسى اعرف بس سنك وبرتجع بردة للبننت الى بتحبها يعنى واللة العظيم ةانا مثلا لو لقيت ولد محترم ومتدين وكويس وعندة فعلا طموح وبيعمل حاجة مش بيتفرج على الناس ويقول البلد واقفة محدش هيعمل حاجة هاكون معاة على طوللللللللل وهافضل جنبة بس لو الحب دة فى النور وصح مش صحوبية وحوارت الجامعة دى وانا عارفة ومقدرة فعلا اننا فى حال البلد الاقتصادى دة البلد الى حد ما تعبانة وان الفرص لشباب قليل بس بجد الولد او الراجل الصح هيعرف يوصل ومش شرط ان البنت لما تتربط تتربط بواحد عندة عريبة وشقة واو لالالالا واللة على حسب البنت واختارك ليها بس ياجمعا ياكل الشباب لازم ننحت فى الصخر علشان نوصل مش كل الشباب بيعمل كدة بس لازم علشان تتحقق احلامك بليز عايزة اسمع رد الشباب عليااااااااااااااااا اية رايكم وياريت بصراحة . سارة بنت ادكم وحسة بيكم بكل الولاد والبنات
اللى حد ما معاكى حق ياساره انتى وخالد
بس نفترض دلوقتى حبيت واحده وهى حبيتنى فيها ايه لو هى ساندتنى ووقفت جنبى وشجعتنى لغايه ما اعمل حاجه لنفسى واقدر ساعتها اتجوزها ونعيش مع بعض
بس برضه فى حاجات الواحد بيحطها فى دماغه قبل مايفكر يحب او يرتبط وبرضه بنمنع نفسنا من حاجات كتير دلوقتى كل ده علشان ظروفنا مش اكتر
وانا عن نفسى دلوقتى بعمل كده ...اكون نفسى الاول وبعد كده ارتبط واحب واعيش حياتى بس كل ده لو بقى فى وقت انى ارتبط مش اكون نفسى ويبقى عندى 30 سنه ومش الاقى حد من البنات الكويسين اللى اعرفهم واروح اتجوز واحده معرفهاش قبل كده وممكن تكون اصغر منى ب 10 سنين وهايبقى جواز صالونات
معلش طولت عليكوا بس فى الاخر ربنا يوفقنا ونبص لمستقبلنا الاول وبعد كده نعمل اللى عيزينه
والحمدلله على كل شىء
السلام عليكم ن بردة معاك فى رايك الاخير لانة فعلا علشان كدة بقول للكل احسن اختيار حيبتك زاى مابنت تحسن اختار حبيبها لان هنا عايز عقل ولازم البنت تسال نفسها الاول ميت سؤال اول واحد والاهم هل انا هستنى معاة ولا لا هفضل اكمل ؟ وبعدين انا وضحت ان حسب الولد طبعا او حسب الراجل اظن انتوا فاهمينى وربنا يوقف الجميع ويكرمنا ويرحم جميع الشباب من الظغوط الى عليهم اختكم سارة وياريت مكنتش برخم عليك بارئى الكتير عليكم اليومين دول وبليز اسمع راى ميدو اوحمد
السلام عليكم ازيك يا سارززز انتى وميدو انا عايزه اعلق على اخر راى معرفش بتاع مين بس عاجبنى اوووى لو كل الناس عملوا بالراى ده هتبقى الدنيا حلوهولكل من الطرفين هيكون فى حافز يخليه يبقى نشطيط ويوصل لهدفه بسرعه عشان يبقى جنب اللى بيحبه ياريت كل الناس تبقى كدا وانا بحيى اللى كتبه وبقولوه راى حلوو اوووى ربنا معانا كلنا ونوصل للمستقبل اللى احنا عايزينه ............. دوللى......... باى يا معلمى
saso52
khaled
mido
dolly
الاختلاف في الراى لا يفسد للود قضية بس انا مش بختلف في كل حاجة
انا هختلف معاكو في حاجات بسيطة اولها
حكاية انى لو حبيت واحدة بس ظروفي ماتسحش انى اتقدملها وعشان كدا اسيبها تشوف حياتها بعيد عنى او مع واحد غيري عشان مظلمهاش معايا كويسة جدا وانا بحترم اى حد عمل كدا
وانا واحد منهم
وسبت اكتر انسانه حبتها في حياتى بسبب الموضوع دا لانى بصيت لقدام شوية وقلت اخرة علاقتنا هتبقي اية انا طبعا كنت بتمنى انها تنتهي اجمل نهاية لاى قصة حب وهيا الجواز بس لما فكرت كويس اكتشفت
1: انى لسا بدرس وقدامى 3 سنين دراسة
2: بعد الدراسه قدامى على الاقل 2 ادور علي شغل
3: بعد ما الاقي شغل ابدا اكون نفسي على الاقل 3 سنين اكون جبت تمن الشبكة
4:بتاع 4 سنين اكون كونت تمن الشقة
5: جبت الة حاسبة وجمعت السنين دى 2+3+3+4=12 يالاهوى 12 سنة عشان اقدر اتجوزها
وكمان البنات بيتقدملها عرسان وهما في الكلية طب لو رفضت واحد واتنين وخمسة مش هتقدر ترفض تانى واكيد اهلها هيضغطو عليها
طبعا قررت انى اسيبها عشان ماظلمهاش معايا ولما قلتلها كدا كان اسوأ يوم في حياتى ماتتخيلوش هيا انهارت ازاى وعيطت بشكل فظيع وانا مكنتش قادر ابعد عنها بس دا كان اسلم قرار عشان متجيش في يوم تتصل بيا وتقولى انا تخطبت
او تيجي تقولى انت متقدرش تيجي تتقدم طب والحل
قلت انهى الموضوع قبل ما يتطور
على فكرة هيا من كتر انهيارها دخلت المستشفي وانا جالى اكتئاب بتاع سنة
طب تعالو نفكر في حكايتي او اى حكاية مشابهة لرايكم دا
هو دا كدا الحل الاسلم في رايكم طب ما انا اتعذبت وهيا اتعذبتوخسرنا بعض وخسرنا اجمل حب كنا عايشينة
اكيد فية حل تانى هو صعب بس انا شفتة نفع مع ناس كتير
هو اننا نكمل مع بعض ونستحمل على اى ما نقدر هو معنى التضحية في الحب اننا نبعد عن بعض عشان المشاكل او عشان كل واحد يشق طريقة لوحده
طب ما ممكن نضحى بكزا سنة من عمرنا لحد مانقدر نكون نفسنا ونتجوز
انا شفت بنات كتير استنت سنين ورفضت عرسان كتييير لحد ما حبيبهم قدر يكون نفسة ويجي يتقدم وفعلا اتجوزو تخيلو بقا حبهم بقا عامل ازاى بعد ما ضحوا التضحية دى انا عارف ان الكلام دا ماينفعش في كل الاحوال بس لية مانجربوش لية مانحاولش تانى مع الدنيا ونحاول نكسبها ونحقق اعلى اسكور عليها
لية من اول لما نحس ان الدنيا اقوى مننا ننهزم على طول ونقول نسيب بعض وكل واحد يشق طريقة
لو نحاول بس اننا نقف قدام الدنيا ونحاول نهزمها هيبقي طعم الحياة احلى بكتييير من اننا نسيب بعض ونتعذب
وبعدين دوللى بتقول ان لو كل الناس عملو بالراي دا هيديهم حافز عشان يبقي نشيطين ويوصلو لهدفهم بسرعه
ازاى
ازاى حد يسيب حبة ويتعزب ويبقي عنده نفس او نشاط او يقدر يحقق حلمة بالعكس دا الحل دا هيخلية ينهزم ويقول طب وانا هكون نفسي لية ما خلاص حبي ضاع واللى كنت بحاول ابني نفسى عشانة راح وحتى لو قدر يكون نفسه الحياة مش هيبقي ليها اى طعم
دا رايي وطبعا بحترم رايكم جدا
sasso
dolly
منورين والله وبحترم ارائكم جدا لان ورأى خالد وهبه واحنا هنا بنتناقش والحمدلله اننا قدرنا نجمع اراء كتير فى المواضيع بتاعتنا علشان نفهم وجهه نظر كل واحد فينا والحمدلله بنستفيد منكم حاجات كتير
(دوللى) انتى تقصدى انهى رد اللى عجبك بتاع saso ولا مين
(saso) هو الموضوع لازم يجى من الطرفين ومش من طرف واحد بس بيعتمد بصفه اكبر على الولد بس برضه البنت بيكون ليها دور كبير جدا فى التاثير فى حياه الولد وتحفيزه على الافضل وانه ينجز فى حياته اكتر
اخيرا.... ربنا يوفقنا جميعا فى حياتنا
mido_z77
السلام عليكم ورحمة اللة وبركاتة اولا انا مش هاطول عليكم لاننا تكلمنا كتيررر فى المواضوع دة وهو طبعا بيقى اختلاف راى مش اكتر ومن حق كل واحد فينا انة يبفكر بدماغة وطريقتة اكيد مش كلنا تفكير واحد ولا دماغ واحدة بس ان شاء اللة كلنا ننجح ونحقق كل الى احنا عايزينة فى حياتنا سواء خالد او هبة وحبيبتى دولى وميدو اكيد البوس احمد وربنا يوفقنا .بس لازم نحسبها صح
السلام عليكم
ازيك ياميدووووو فينك ياعم من زمان وفين مواضيعك طبعا انت عارف رأيى فى موضوع جواز الصالونات ده وعارف ان كل حاجه بتاعت ربنا انا مش موافقه عليه بس برضه فى جوازات كتير من دول بينجحوا وبيبقوا عسولين اوى مع بعض
المهم انتوا ربنا يوفقكوا
وياريت يا ميدوووو اكتب مواضيع زى اللى كنا بنتكلم فيها قبل كده هاتبقى جامده جدا
اميره ......
ازيك ياولد ياميدو
موضوع جواز الصالونات ده يخنق اوى اوى تحس انه (اوقات) بيبقى واحد مش لاقى عروسه وجى عايز يتجوز اى واحده تكون كويسه وخلاص مش مهم بقى شخصيتها ولا تفكيرها المهم تكون ست بيت كويسه كانها اداه فى البيت وخلاص بس طبعا مش كل الجواز كده
عموما ربنا يستر عليا:)
سلام ياجميل
dodo
ازيك ياميرو انتى ودودو شكرا على الردود وياريت تكتبوا رايكم فى الاستفتاء علشان نعرف نتكلم فى انهى مواضيع بعد كده
mido_z77
السلام عليكم ورحمه الله وبركاته اولا ميرسى اوى يا احمد انت ميدو على المواضيع الشيقه دى وعلى البلوج الاحلى واحلى اما ثانيا بقى هو رايى فى جواز الصالونات انا ليا راى مؤيد وراى معارض الراى المؤيد هو ان البنت هيا اللى تختاز شريك حياتها اللى هيا فهماه واللى بتحبه ويكون فهمين بعض ولكن الراى المعارض انه مش من حق البنت انها تعد مع اى شاب وتتكلم معاه الا لما يكون فيه ارتباط رسمى منعا لقيل وقال وكلام الناس عليها البنت تعد فى بيت ابوها معززه مكرمه ونصبها هيجلها لحد عندها امال هما عملو فتره الخطوبه ليه علشان جواز الصالونات علشان المخطوبين اللى اول مره يشوفوا بعض يعدوا ويتكلموا مع بعض اكتر وياريت رايى يكون مقنع شويه ويكون عجبكم ميرسى اوى باى (الحان واسم الدلع لولا).
على فكره يا احمد انت مفهمتش كلامى خالص اتا كنت اقصد انهم يستنوا مع بعض وده هيكون حافز ليهم ياريت يكون كلامى اتفهم اوك ..........دوللى
على فكره أنتوا حصل معاكوا حاجات كتير أوى
واضح
لو بتحبك حقيقى سيبك بقى من الشقه والعربيه والراجل اللى اترفض قبل كده وبابا وماما كل ده قصاد حب حقيقى بيتحل ان شاء الله
ولو هى مغلوبه على أمرها بيتهيئلى أما يتمنى ليها السعاده أفضل بكتير انه يكرهها ويكره نفسه عشان يقدر يعيش
مش نهاية العالم ان الواحد مأخدش الحاجه الى هو عاوزها مش كل حاجه بنتمناها بندركها
وكفايه أنك حبيت غيرك مقابلش الحب ويتمنى انه يقابله حتى لو هايخسره تانى يوم
rania
the big loser
i can't tell u how i'm impressed abt wt u said
أنت جبت الليله يا باشا
rania
ممكن ايميلك انا بجد محتاجة اتكلم معاك لو سمحت بليز انا نسمة من اسكندرية اوكى دة ايميلى ياريت تكون مهتم بالموضوع nona_moonalex@yahoo.com
اولا ازايكم على فكرة انا اول مرة اشترك فى حاجة كده واسيب رد على اى حاجة بس بجد الموضوع شدنى انا ضد جواز الصلونات خالص ليه؟ لان المفروض ان ده واحد هتعيش معه عمرك كله وتعرف ايه الكويس وايه الوحش فيه ولازم يكون فى حب ولا هتبقى الحياة وحشة اوى ومملة ثانيا انا عايزة اقول للى فاكر نفسه انه خسر خسارة كبيرة ان اللى كان بيحبها سابته ممكن يكون كسب حاجة كبيرة انها سيبته هى اكيد كانت مرحلة صعبة عليه بس ممكن يكون فى حاجة احسن مستنيك لانى كنت فى نفس موقفك كنت فاكرة انى خسرت كل حاجة حلوة فى حياتى لما اللى بحبه سابنى وقالى كل شى قسمة ونصيب ايوة زعلت وكنت فاكة ان خلاص الدنيا وقف على كده ولما فكرت شوية لقيت انه مايستهلش انى حتى ازعل عليه ده واحد باعنى انا ازعل عليه ليه وممكن يكون ربنا شايلى حاجة احسن بكتيرمنه
يا اخواني واخواتي واحبابي فالله
السلام عليكم ورحمة الله وبركاته
اذا كنت ساتحدث عن الزواج فمن الاولى ان نعرف ما هو الزواج اولآ.لقد قال رسول الله (ص) من استطاع منكم الباء فليتزوج فانه عفة للعين ووقاء لللفرج صدقت يا حبيبي يا رسول الله. فأساس الزواج هو العفه وعدم النظر لمل حرمه الله عليك فكيف لك ان تفعل هذا وانت تحب ما هو ليس بحلال لك وكيف تغض بصرك عن من هي معك ان كنت تحبها وهي ليست بزوجتك .وبعيد عن هذا كيف لك ان تضمن ان زوجتك في المستقل لم تكن تحب شخصآ أخر اوماسمعت قول الله تعالى افعل يا بن أدم ما تشاء واعلم انك كما تدين تدان واخيرآ حتى لا اطيل عليك واذا استمسكت بقول رسول الله تنكح المرأة لاربع مالها وجمالها ونسبها ودينها فظفر بذات الدين كيف لك ان تتزوج من تنزهت معها او صافحتها او غازلتها اهذا من الايمان والدين والاخلاق نصيحة يا أخي فالاسلام لا تعلم العين ماذا ترى غدآ لعل الله يرزقك بزوجه خير مما احببت فكيف لك ان تحبها وقلبك يحب غيرها فلا يجتمع فالقلب نقيدين.ولاسلام على من اتبع الهدى
Post a Comment