اصحاب ...اصحاب ...اصحاب ...عزاب ..عزاب ...عزاب..
.jpg)
.jpg)
.jpg)
.jpg)
.jpg)
دول نمازج من اصحابى اللى اتبهدلو بالحب
ودول من الشباب اياها -اللى بتضرب شعرها وتسقط البنطلون-لكن تعالو نشوف دلوقتى وصلو لاية
اتعذبو واتشحتفو وسهرو اليالى
وفي الاخر كلنا في الهوا سوا
الجروب بتاعنا من كتر البهدلة سميناة سنجلز single`s لاننا كلنا بقينا فعلا لوحدنا
اللى حب واحده ونفضتلة
واللى حب واحدة واتخطبت وانا اولهم
واللى استعبط على اساس انة هيعرف غيرها بكل بساطه
المهم اننا ضيعنا وقت كبير جدا من حياتنا في شوية تفاهات
تخيلو اننا وصلنا لدرجة ان الموت هو اللي هيريحنا وفى ناس مننا بتفكر في فكرة الموت كخلاص من الحياة او كراحه!!!
تخيلو اننا وصلنا لدرجة ان الموت هو اللي هيريحنا وفى ناس مننا بتفكر في فكرة الموت كخلاص من الحياة او كراحه!!!
ايوة تفاهات !!!!!!!!!
بيتهيألى انى اسيب حد من اصحابى يتكلم عن نفسة ويعلق على فكرتى .......
.jpg)
.jpg){kind=link}
24 comments:
انا على فكره واحد من جروب ال(single's)وانا عن نفسى كنت بحب واحده واتخطبت وسابتنى بس انا برضه بعد ده كله مش بلومها فى حاجه بالعكس هى الدنيا دلوقتى كده هى لقت الشخصيه الكويسه اللى معاه الشقه ويقدر يتجوز يبقى تستنى ليه شاب لسه بيكون نفسه وربنا هو العالم هيقدر ينجز ولا لا ده بقى تفكير معظم البنات عايزين يتجوزا وخلاص مش مهم هى حبت الشخص ده ولا لا المهم انه يقدر يفتح بيت وعموما الحياه بقت كده فى مصر بالذات علشان الظروف اللى شاب بيعانى منها نادر اوى لما تلاقى بنت اتجوزت واحد بتحبه غير لما يكون قادر وفى الاخر الحب ده نصيب ومحدش يعرف نصيبه فين
ANA MARWA YA A7MAD
TA2REBAN YA GAMA3A MESH KOL ELBANAT KEDA
FIH BANAT BT7B BEGAD WE BTSTANA 7ABIBHA KAMAN
WE MAHMA 7ASA MESH MOMKN TETGAWEZ 7AD TANY
I THINK THAT.
(FIH BANAT BT7B BEGAD WE BTSTANA 7ABIBHA KAMAN)والله نفسى بجد الاقى بنت من اللى بتتكلمى عليهم دول وعلى فكره اسمك ده بيفكرنى بحاجات كتير اوى ):
السلام عليكم ورحمة الله وبركاتة انا ريم وكنت عايزة اقول ان الموقع بتعكم عجبنى مووووووووووت وانا اول مرة اعمل مداخلة معاكم المهم انا كنت عايزة اقول ان المظهر مش كل شى بس مش معنى كدة ان البنت او الولد يمشو مبهدلين ممكن من ابسط اللبس وباقل التكاليف تبقى بنت شيك جدا او ولد كذلك ولو انت بتحب حد علشان مظهرة فقط احب اقولك ان دة ولا مؤخزة مش حب دة مجرد انخداع بالمظاهر والمظاهر زى ما انتو عارفين خداعة علشان كدة ممكن تبقى بنت _او ولد كذلك_مش حلوة اوى او ملفتة للنظر يعنى بس حبوبة اوىانا مش بقول لاسمح الله ان احنا ملايكة مش بنهتم بالشكل اى نعم الشكل علية عامل مهم بس مش اساسى لان الروح هى اللى بدوم والله يا جماعة وكلوا بعد كدة فانىوالدوام لله وحدة عز وجل من الاخر يا جماعة ومعلش طولت عليكم حبوا الروح قبل الشكل وهو الحب يعيش متشكرة اوى انكوا استحملتونى كل دة ومعلش مرة تانية لو كنت صدعتكوا بكلامى واحب اعرف تعليق اى حد يقرا الكلام دة لو سمحتواواسيبكم بقى فى رعاية الله عز وجل سلام.
السلام عليكم يا ريم انا احمد الادمين بتاع البتاعه دى
وعايز اقول شكرا ليكي ولكل اللى حطو تعليقات على المواضيع
انا بس عايز اقول حاجة
عايز تخيري اى ولد في الدنيا
مابين واحدة روحها حلوة جدا بس سمرا وشعرها اكرت وريحتها وحشة جدا وطخينة
او بنت روحها مش حلوة بس جميلة جدا وانيقة وشيك وشعرها حلو وعيتيها ملونة
اعتقد ان انا عارف الرد هيكون اية وعايز اسمع بقيت الردود
لا مش للدرجه دى ياحمد انت كده بتتكلم على عفريت مش معقول احب واحده ريحتها وحشه انا عن نفسى الشخصيه اهم حاجه بس مش تبقى شخصيتها كويسه وتكون معفنه وريحتها وحشه ايه ياعم ده حراااااااااااااام
اه نسيت اكتب اسمى فى الردود كان معكم ميدو من نفس العماره اللى فيها احمد القاهره
على فكره انتوا مزودنها اوى كل واحد عشان انجرح يقعد بقى يجمع الناس كلها وعلى فكره طالما كل واحد فيكوا قاعد يتكلم على اللى حصله يبقى مانسيش وهيفضل كل شويه يحكى خلاص يا سيدى طالما كل واحد فيكوا زعلان كده ومتاثر يعمل احسن حاجه ايجابيه ويحاول يخلي نفسه احسن ده انتوا حاجه غريبه ...........دوللى
دوللى مع احترامى ليكي بس لما الواحد بيفتكر اخطائة اللى في الماضي اكيد مش هيعملها في المستقبل وعشان كدا احنا بنفكر نفس بغلطاتنا ولو في حاجة مفيدة نعلمها كنا عملناها من زمان ولو انتى عندك حاجة ياريت تقوليهالنا بدل ماتسيبلنا رد بتنتقدينا فية من غير ما يكون عندك حل
على فكره يادوللى احنا بنتكلم فى الحاجات اللى بتحصلنا على انها تجربه وعدت وبنتناقش فيها علشان محدش يكرر الغلط مره تانيه مش اكتر مش علشان نقعد نفكر فى الناس اللى باعتنا ونعيط الحمد لله احنا مش كده وكل واحد بيبص لمستقبله وسايب الحاجات دى على جنب وعمرها ماهتأثر فينا غير للحظات والمواضيع دى كلها علشان نتعلم من اخطائنا مش اكتر ........mido
من الواضح انى كنت غلطانه على العموم اسفه يا جماعه مكنش قصدى بجد اسفه ..........دوللى
على العموم انا كنت غلطانه وعرفت ده وياريت ميكونش حد زعل من كلامى انا كان قصدى ان كل واحد يحاول يعلى بنفس لما بتقولوا ان ما فيش بنت بتستنى اللى بتحبه عشان لسه هيكون نفسه فهو المفروض يعلى بنفسه عشان يثبتلها ان هى اللى خسرانه لما مش استنته ممكن يكون اسلوبى فى طريقه النقد كان وحش بس على العموم انا اسفه لو كنت زعلت حد..........دوللى
كمان انا عايزه اقول حاجه ان كلامى اللى انا قولته مش معناه ان الموقع ده وحش لا طبعا ده فكرته حلوه اووووووى وكمان بيتكلم عن مواضيع حلوه ......... دوللى
ميرسي يا دوللى على كلامك واحنا طبعا مزعلناش منك بس زى ماقلتلك قبل كدا انا عاوز اسالك على حاجة وياريت تضيفي مايلي بليز
ازيك يادوللى طبعا احنا مزعلناش ولا حاجه واحنا بنكتب المواضيع دى علشان نتناقش واهلا بيكى فى البلوج
السلام عليكم انا بنت و بقلك انت عندك حق وبقلك معلش علشان كده انا ما حبيت فبل كده علشان و لا اظلم و لا اتظلم ولا ادعي على حد و لا يدعي عليا انا عندي 20 سنه و متمسكه و ربنا يكون في عوني و انا فرحنه كده انا عارفه ان ده مش حل بس احسن الوحش و لا ايه انتم رائيكم ايه
اولا ماشاء الله يعنى
كلكو شباب زى الورد وحرام تفكرو التفكير الاسود دة وموت وبتاع
والموت عمرة ما كان راحة ومحدش فينا اصلا يقدر يتمنى الموت
بالنسبة بقى للى حصل معاكو
فبصراحة فعلا البنات بقت غريبة اوى الايام دى
وممكن البنت تبيع كل حاجة فى ثانية عشان فلوس
مع انى مقتنعة اوى بمثل
يا واخد القدر على مالو يروح الملال ويبقى القرد على حالو
ومش معنى ان كل حد فيكو مر بتجربةة قاسية شوية ووجعتة يبقى دة نهاية الكون
لاطبعا
لازم نقع عشان نتعلم نمشى صح
واما نقع مش نستسلم نقوم ونكمل من تانى
لا حياة مع الياس ولا ياس مع الحياة
ربنا يوفقكم كلكم ان شاء الله
ونفرح بيكم كلكم
والعمر الطويل ليكم
وبلاش التفكير الغريب دة
هبه.....مفيش يأس ولا حاجه الحمدلله ومفيش حاجه زى دى هتغيرنا ولا هتفرق معانا الحمدلله الواحد بيتعلم وتصدقى بقى كويس انها اتخطبت ربنا يوفقها ويوفقنى ويوفق الكل ان شاء الله
mido_z77
السلام عليكم
دى أول مره أخبط فى البتاعه بتاعتك دى وعجبتنى
عاوزه أرد الاول على ردك الى بتخير فيه الشباب بين البنتين الى مستحيل تتجمع كل الصفات دى فى كل واحده على حده
يعنى صعب اوى روحها حلوه وريحتها وحشه مش راكبه خالص
................
وزى ما انت قلت تفاهااااات
موت ايه؟؟؟
حصل ايه عشان تفكر فى الموت؟
بص أنا بنت وبصراحه شايفه ان البنات اليومين دول مش بنات باللى بيعملوه فى الشباب
أنا مشفتش قصه كملت للأخر
على فكره
أنتوا أسأتوا الاختيار فى الاول
سهل اوى اننا نحب بس مش سهل اننا نختار صح احنا تقريبا بننسى نختار
وأنا مبحبش أرمى المسئوليه فى عدم نجاح أى علاقه على طرف واحد بس لأن دى علاقه متبادله
يعنى أنت مخترتش البنت المناسبه ليك فى الاول وهى باعتك فى الاخر
البنت الى تعمل كده مش بتحب
rania
السلام عليكم
دى أول مره أخبط فى البتاعه بتاعتك دى وعجبتنى
عاوزه أرد الاول على ردك الى بتخير فيه الشباب بين البنتين الى مستحيل تتجمع كل الصفات دى فى كل واحده على حده
يعنى صعب اوى روحها حلوه وريحتها وحشه مش راكبه خالص
................
وزى ما انت قلت تفاهااااات
موت ايه؟؟؟
حصل ايه عشان تفكر فى الموت؟
بص أنا بنت وبصراحه شايفه ان البنات اليومين دول مش بنات باللى بيعملوه فى الشباب
أنا مشفتش قصه كملت للأخر
على فكره
أنتوا أسأتوا الاختيار فى الاول
سهل اوى اننا نحب بس مش سهل اننا نختار صح احنا تقريبا بننسى نختار
وأنا مبحبش أرمى المسئوليه فى عدم نجاح أى علاقه على طرف واحد بس لأن دى علاقه متبادله
يعنى أنت مخترتش البنت المناسبه ليك فى الاول وهى باعتك فى الاخر
البنت الى تعمل كده مش بتحب
rania
السلام عليكم
اولا حلو اوى البلوج ده تحفة اسمحولى اتصفحه دايما
مش عارفة اخترت البوست دى ليه....... بس اثرت فيا
اولا انا بنت مصرية عندى 19 سنة وف كليه الحمد لله
مع ان المفروض البنت ما تقولش انها حبت فعلا اى شاب
بس انا فعلا حبيت واحد زميلى ..حاولت اغيره حاولت اخليه احسن . وهو معترف انى غيرته ورجعته لطريق ربنا اللى كان تاه عنه. وخليته ما يكلمش بنات خالص وبقى تع الاخوات....هاتقولولى كنتى بتكلميه ازاى؟ من على النت...ايوه من على النت ............. وبعد ده كله
كان بيبان من كلامه انه فعلا بيحبنى وقالها كتير بس بكلام متخفى .... يعنى بخاف عليكى . بخاف ازعلك منى تعاملى مع اى بنت مش زى تعاملى معاكى ونحنحة واغانى .... وعمرو دياب زهق معانا والله وهكذا ........
وفى الاخر زهقت من نفسى
حسيت انى غلط افضل اكلمه على النت فى الخفى .....قلتله مش نافع كده انا حاسة انى بعمل حاجه غلط
انت عايز من كلامىايه؟
بكل بساطة ومن غير كلام كتير
كان رده
انا مش عارف اجزم اذا كنت بحبك ولا لا؟
بس انتى غير اى بنت عرفتها
وعشان ما اعذبكيش معايا
ابعد عنك احسن
لا الصراحة شهم
شهم اوى
وبس
وعلى فكرة البنات والولاد بيلعبوا ببعض
ماحدش مظلوم من حد
وعلى رأيكم
يقطع الحب وسنينه
انا نفسي افهم اللى بيحب ده حاطط نهاية حبه ايه ...؟؟؟
فى الغالب بيبقي سيبه كده ...واسوء حاجه الحب بدون نهايه مقنعه .
بس تعرفو فى أسأله محيرانى
ليه الشباب متخيله ان البنات بقو قسيين ومش عندهم قلب ومش بيفكرو غير فى نفسهم
انا عوزه اسألكم :
انت لما تحب حد مفروض تخاف عليه وتحافظ عليه بس للاسف اللى بيحب الايام دى بيبقى انانى مش بيفكر غير فى نفسه واذاى يبقى سعيد ومبسوط فى حد فيكم
فكر هو ايه اللى يسعد اللى بيحبها حد فكر فيكم ايه منظر البنت المرتبطه بحد ودام اهلها و وودام الناس حد فكر فيكم ايه مقدار الضغوط اللى البنت بتتحملها
حد فكر فيكم ان البنت دى بيبقى ليها طاقه معينه واخر قرار تقدر تتخزه من كتر الصبر هو البعد حتى لو هاتبعد لمجرد انها تبعد مش عشان عريس متقدم عنده شقه و عربيه ومن عيله ...؟؟
محدش واخد باله فيكم ان البنات بتصبر كتير بس فى الاخر ممكن تهرب لمكان هيا مش عوزاه بس هايضمنلها السكينه و الهدوء
حد فيكم سأل نفسه مره ايه اللى يخلى واحده تحبنى تبعنى ...؟؟؟
اصل البنات مش مشيه ترتبط بالشباب لمجرد الانتقام و انتظار الفرص
اه فى بنات بتحب تتسلى زى ما فيه شباب بيتسلو بأسم الحب بس دول بيبقو شوية مرضه عاوزين يتعالجو من الحقد اللى فى قلوبهم
.
بس تعرفو فكرة السايت ده حلو بصراحه اول مره اشوف سايت للسنجل .
cat
انا نفسي افهم اللى بيحب ده حاطط نهاية حبه ايه ...؟؟؟
فى الغالب بيبقي سيبه كده ...واسوء حاجه الحب بدون نهايه مقنعه .
بس تعرفو فى أسأله محيرانى
ليه الشباب متخيله ان البنات بقو قسيين ومش عندهم قلب ومش بيفكرو غير فى نفسهم
انا عوزه اسألكم :
انت لما تحب حد مفروض تخاف عليه وتحافظ عليه بس للاسف اللى بيحب الايام دى بيبقى انانى مش بيفكر غير فى نفسه واذاى يبقى سعيد ومبسوط فى حد فيكم
فكر هو ايه اللى يسعد اللى بيحبها حد فكر فيكم ايه منظر البنت المرتبطه بحد ودام اهلها و وودام الناس حد فكر فيكم ايه مقدار الضغوط اللى البنت بتتحملها
حد فكر فيكم ان البنت دى بيبقى ليها طاقه معينه واخر قرار تقدر تتخزه من كتر الصبر هو البعد حتى لو هاتبعد لمجرد انها تبعد مش عشان عريس متقدم عنده شقه و عربيه ومن عيله ...؟؟
محدش واخد باله فيكم ان البنات بتصبر كتير بس فى الاخر ممكن تهرب لمكان هيا مش عوزاه بس هايضمنلها السكينه و الهدوء
حد فيكم سأل نفسه مره ايه اللى يخلى واحده تحبنى تبعنى ...؟؟؟
اصل البنات مش مشيه ترتبط بالشباب لمجرد الانتقام و انتظار الفرص
اه فى بنات بتحب تتسلى زى ما فيه شباب بيتسلو بأسم الحب بس دول بيبقو شوية مرضه عاوزين يتعالجو من الحقد اللى فى قلوبهم
.
بس تعرفو فكرة السايت ده حلو بصراحه اول مره اشوف سايت للسنجل .
cat
اعتزر عن اضافة تعليقى اكثر من مره
Post a Comment