بحبك ...وانا كمان
عندى ثقة فيك عندى امل فيك بيكفي شو بدك يعني بعد فيك عندى ولبع فيك شوبدك انو يعني موت فيك موت فيك صدق ازا فيك
دى مقدمة اغنية من احلى الاغانى الفيروزية اللى بعشقها
اولا عشان صوتها ثانيا عشان لبنانية حاكم انا بحب لبنان واللبنانين كتير اوى
وبالمناسبه دى وعلى غرار مقولة ابو بلاش كتر منة انا ببعت سلام مليان حنان وشوق وحب لاجمل بنوتة لبنانية شفتها بحياتى
بايلر بيتهيألى انها لما تقرا الاسم هتعرف نفسها
ندخل في الموضوع مباشرة
في ناس انتقدتنى كتير اوى على اساس ان مش الشباب كلها بريئة والبنات مجرمين
ان فية بنات ببرضو جدعه وبتحب لاخر قطرة من ازاة البيبسي اللى قدامهم
بس دا قليل جدا انا نفسي حصلت معايا اكتر بنت حبتها بحياتى اتخطبت هو فعلا انا مكنتش اقدر اتقدم لكن برضو كان لازم تقاوم شوية ومش تستسلم مع انها كانت بتقول زى كلمات الاغنية انها بتموت فيا وتموت لو بعدنا عن بعض
مع انها لحد دلوقتى لسا عايشة ولا ماتت ولا حاجة
ياجماعه اللى بتكلم فية ان البنات بيتقدملها خطاب بدرى يعني لو انا لسا متخرج وبحب واحده قدى او لو حتى كنت في الكلية اعتقد ان من المستحيل ان العلاقة دى تكمل لان مليون في المية هيجيلها واحد بتاع 35 او 40 سنة جاهز يشيل على طول وهيا تتجرز وتفرح وانا اموت بحسرتى
عرفتو لية انا بلعن ابو الحب
ربنا يسامح البنات كلها على العزاب اللى بتورية للشباب
.jpg)
16 comments:
هاااى احمد تقريبا كل البنات اللى اعرفهم بيعملو نفس الحكاية يرتبطو كتير ووقت الجد لو حد اتقدملهم يبيعو احبابهم على طووووووووووووول
هاى خوخه انا عن نفسى حصل معايا نفس الموقف مع البنت الوحيده اللى حبتها طبعا اتخطبت لواحد اكبر منها بحوالى 10 سنين بس بصراحه البنات دى بتفكر بعقلها اكتر من قلبها يعنى من وجهه نظرها (ليه تستنى شاب كل السنين دى وفى الاخر ممكن مايتجوزوش لا انا اخد اللى جاهز دلوقتى بدل مايجى عليا الوقت اللى ميتقدمليش فيه حد ) وفى الاخر تعيش عيشه زى اى حد بيتجوز جواز صالونات اهو راجل وخلاص واللى معاه يشيل واللى مش معاه يستنى دوره هى الدنيا بقت كده اللى معاه فلوس يقدر يتجوز واللى مش معاه او لسه بيكون نفسه ميقدرش يحب ولا يتجوز لانه فى الاخر صعب يلاقى البنت اللى تستناه
هاااااى يا حمادة انا مى بجد بجد السايت دا جامد مووت ونفسي اشارك معاك فية
والرد بقا على موضوعك الجميل دا
ان ساعات مابيبقاش بايد البنت حاجة تعملها
وعايزة ارد على تعليق اللى قبلى
ان انت متعرفش اهلها كانو ضاغطين عليها ازاى ولو هيا باعتك بسرعه كدا يبقي مبتحبكش اصلا
ومثلا لو واحد اتقدم لواحدة وابوها وافق وقالها غصبعنك هتتجوزية تعمل اية يعني تسيب البيت وتهرب معتقدش
على فكره يامى انا مش بلوم البنت ومش زعلان منها انا اتخطبت لان ده نصيب بس انا متضايق من الظروف اللى خلت الدنيا بقت كده كل حاجه فلوس فلوس طيب نعيش ازاى انا مش زعلان منها والله كنت متضايق شويه فى الاول بس دلوقتى خلاص وكل الحكايه قسمه ونصيب
هااااااى احمد انا حنين فكرة السايت دى جاااامدة جدا وبالذات المواضيع اللى بتتكلمو عنها.انا كنت عايزة اقولك ان البنت اللى تسيب حبها يضيع مع اول واحد يتقدملها يبقى هى مش بتحب ولا تعرف اصلا ايه هو معنى الحب لانها لو بتحب كانت هتدحدى اى حاجة علشان حبها يعيش دة اللى انا كنت هعمله لو انا فى الموقف ده هفضل ادافع عن حبى لاخر قطرة فى ازازة البيبسى
هاااااااااى شباب ازيك يا مى وازيك يا ميدو يا ريت يا ميدو تكتب اسمك في ردودك
انا احمد الدمين بتاع البتاعه دى
شكرا ليكو اوى على الردود وشكر خاص لحنين
وردى ان مش كل صوابعك اد بعضها
يعني اكيد فية اختلاف في كل حاجة ومعنى كدا ان اكيد مش كل مواقف البنات في المواضيع دى هتكون زى بعضها
بالنسبه للموقع على فكرة بقا دمة تقييييييييييييييل موووووووت
اللى يشوف موقع زى دا وميعجبهوش او يبقي نفسة يشارك فية دا الموقع دا جامد اوى وانا هقول لصحابى علية
ومش هقول ياحمد انا مين خليها
المعزبة س.أ
وبعدين ابقى احكيلكو لية معزبة باى
يا شباب يا ابو افكار جامدة
اولا انا عايزة اقول لصاحب الفكرة برافو ثانيا احنا لازم نقدر ان البنت مش بادها حاجة اكيد مش هتهرب لان هى كدة هتسقط من نظر االلى هو بيقول بيحبها لكن دة مش مبرر الى حد ما لان دة زواج ومصير ولازم كانت تتمسك باللى هى بتحبة اذا كانت بتحبة بجد الى اخر لحظة و ممكن تكون متمسكتدش عشان هى مشش وثقة فيه يبقى لازم يسال نفسة هى وثقة ولا!!!!!! دولى
ممكن اقول حاجة انة زى ما فى بنات بتعذب الشباب فى برضوا شباب بيعذبوا البنات ودةالاكتر يبقى لازم نتكلم على الاثنين ماشى بس..............دولى
ازيك يادولى بصراحه معاكى حق فى مسأله الثقه بس بصراحه اى ولد بيحب بجد بيحاول يعمل اى حاجه علشان يقدر يتجوز اللى بيحبها بس ده لو بيحبها بجد انا عن نفسى كده او كنت كده يعنى يبقى هى لازم تقدر لو بيحبها بجد او لا وبصراحه بقى المشكله دلوقتى فى ظروف الشباب لو اى ولد ظروفه كويسه ويقدر يتجوز كان اتجوز اللى بيحبها حالا بس هنعمل ايه فى الظروف ربنا يسهل لكل الشباب
السلام عليكم انا سارة انا مبسوطة اوى بالمواضيع الحلوة دى الى انتوا بتتكلموا عليها فى الموقع بس انا شيفة اننا كل شباب وبنات بنشغ وقتنا بكلام هايف الحب والبنات كلشباب اسلامى او كشبابا مصرى مع احترامى فى حاجات كتيرة احلى وافيد ممكن نتكلم عنها هنا وافتكروا انها حياتنا لازم يوم جرح ويوم حب وانتوا كلكم كام سنة علشان نتكلم عن الهم والحزن لسة بدرى الحياة الى بجد جية بعدين مش دلوقتى كل الى حتى بيدرسوا ماشافوش حاجة فى الحياة الحقيقة والحب الحقيقى مش حب مراهقة والدلع من ورا النور وكل الكلام فى الاحلام ونرجع نقول اتجرحنا لا لازم نختار حياتنا او نعمل على اننا نحاول نخيلها وربنا يسهل بنات بنات ولا د اى حاجة مش موضوع اساتسى فى حياتنا الحب الصح بيجى لوحدة وسعتها كل واحد هيحس انة الحب الى هو مستنيةوعايزة لسة بدرى على الكلام الكبير الى انتوا بتقولوة دةةةةةةةةةةةةة
ازيك ياساره انا ميدو بصى بالنسبه لاننا شباب مسلم وكده احنا مش بنعمل حاجه غلط بدليل ان اى واحد فينا ظروفه كويسه كان زمانه خاطب طيب تعملى ايه لو سمعتى ان واحد كان مرتبط بواحده وبيحبها جدا ومش بيسلم عليها باليد حتى او بيلمسها علشان بيخاف عليها حتى من نفسه ومش معنى اننا صغيرين اننا بنفكر غلط انا بشوف شباب والله العظيم اكبر مننا يمكن ب 6و7 سنين وبيعملوا حاجات انا نفسى معملهاش اللى اصغر منهم وبعدين احنا بنهتم بحياتنازى مابهتم بالحب لان فى الاخر مستقبلنا هو اللى بيخلينا يانفضل واقفين مكانا ومنعرفش نحب او نتقدم كتير ونلاقى البنت الكويسه اللى تستاهل وساعتها اؤكدلك ان اى شاب فينا ان شاء الله لو ربنا وفقه وقدر يعمل حاجه اول حاجه هيفكر فيها انه يتجوز البنت اللى بيحبها
هاااى يا جدعان انا عايز اقول حاجة لسارة اولا الحب مفيهوش سن ثانيا الحب مش حرام طول ماكل واحد ملتزم بدينة ومبيعملش حاجة تغضب ربنا ثانيا احنا كلنا 3 كلية يعني تقريبا 20 سنة
وبيتهألى ان دا انسب سن للحب يعني مش صغيرين زى ما انتى فاكرة اخيرا بقا عايزك تقوليلي انتى عرفتى البلوج بتاعنا ازاى وتقولى سنك لو سمحتى...........
احمد الادمين بتاع البتاعه اللى مش عاجبة طنط سارة
ازيك يا معلمى(ميدو) على فكره ردك على ساره ده جامد مووووووت وبياكد لى كل مره انك محترم وكويس وكمان زود احترامى ليك لان الناس اللى زيك تقريبا خلصوا بس انت والله جاااااامدما علينا يا ريت تكون عرفتنى.........دوللى
انا بس عايزه اقول ان الموضوع دا عجبني موت
ياريت تقبلوا مروري ومش ابقي تقيله عليكم
Princess_DiDi
بجد توبيك حلو ومعاك حق ان فيه بنات كتير اول ما بيجيلهم عريس بينسوا حبهم بس صدقنى مش كلهم عارف انا قول يخرب بيت الحب وسنينه ليه بقا عشان المفروض لو جه العريس حبيبى ده يكون واقف جمبى ويقولى ارفضى وانا معاكى لحد ما اموت او اى كلام من ده انا بقا حصل معايا العكس مكلمنيش خالص غير لما اتاكد انا متخطبتش وانا مكنش ينفع ارجع احبه بعد ما سبنى فى اكتر وقت محتاجة يكون حبيبى فيه معايا فعلا يخرب بيت الحب وسنينه
Post a Comment