بوتلز
فاضيين وزهقنا من اللى بنعمله كل يوم
قلنا نلعب بوتلز ونشرد لبعض شوية
ندور على اى ازازة مالاقيناش قلنا عادى مالها الموبايلات اهى ينفع تتلف وخلاص
وبدانا سؤال هنا وسؤال هناك لحد ماجه السؤال على الوحيد اللى فينا مش سنجل
ودا اللى حصل
(-انت بتحبها؟
اه-
طب لية بتقول انك مش هينفع تتجوزها لو كملتو مع بعض؟-
لان ماينفعش اتجوز واحدة مشيت معاها في يوم !!!!!(مشيت هنا بمعنى ارتبتط)-
نعم طب وفيها اية مش انتو الاتنين بتحبو بعض -
اة -
---طب اية المشكلة انك تتجوزها---
انها سمحت لنفسها تكلم واحد وتخرج معاه وتحبة وكدا-
انت هتجننا يبني مش اللى بتخرج معاه وبتحبة وبتكلمه دا يبقي انت-
وانا اعرف منين انها مش هتقول كدا لاى واحد تانى-
مش هتقول كدا لاى واحد تانى لانها بتقولك انت وبتحبك انت-
حتى لو ... كفاية انها عملت كدا-
طب دا هيا بتعمل كدا وعلاقتكم ببعض محترمة جدا....امال لو كنت غلتط معاها كنت هتقول اية-
واحد تانى رد - نعم ..غلتط معاها دى ماعرفهاش تانى اصلا واستحاله افكر انى اتجوزها لانها ممكن تغلتط مع حد تانى يبقي ازاى اتجوزها
اولا هيا غلتط معاك انت مش مع حد تانى ثاني-
ثانيا هيا عملت كدا عشان بتحبك انت مش بتحب حد تانى ولو مش بتحبك عمرها ماكانت عملت كدا
وانت كمان (للاولانى) تقدر تقولى اية المشكلة انها تكلمك وتحبك
المشكلة انها بكدا مش محترمة ومتستاهلش تكون مراتي لانها سمحت لنفسها تحب واحد وتكلمو وتخرج معاه ومفيش -اى حاجة رسمية مابينهم
طب يبني ما هو لازم ترتبط باللى ناوى تتجوزها عشان تعرفو بعض كويس قبل مايكون فية بينكم اى حاجة رسمية-
امال انت ناوى تتجوز ازاى
لا انا يوم ما هتجوز عمرى ما اتجوز واحدة مشيت معاها في يوم-
معنى كدا انك هتتجوز جواز صالونات ماما تشوفلك بنت كويسة وبنت ناس وانت تقوم رايح تقعد في الصالون وتطلب -ايد البطيخة المقفولة اللى ماتعرفش هيا بنت ناس فعلا ولا لا وممكن تكون كانت مرتبطة زيك قبل كدا وكمان متعرفش ازا كانت شخصيتها تنفعلك ولا لا
_________________________________________
طبعا مش كل الشباب كدا بس معقولة في حد بيفكر كدا
وكمان التفكير دا صح ولا لا
طبعا انتو عارفيين رايي
بس انا عاوز اعرف رايكم
.jpg)
14 comments:
السلام عليكم . بصراحة انا كنت عايزة اقول ان كل موضوع اجمد من اللى قبله. اما بالنسبه للموضوع ده بصراحة انا اللى اعتقده ان اغلبيه الشباب بيفكر بنفس تفكير الشاب اللى مش هيرتبط بواحدة كانت مرتبطة به قبل كده وده اللى بيخلي معظم البنات مترتبطش بحد علشان اللى هتتجوزه هو اول واحد ترتبط به وانا عارفة ان التفكير ده تفكير رجعى ومش متحضر بس اذا كنتوا انتو يا شباب ده تفكيركوا احنا هنعمل ايه. وانا عارفة ان مش كل الشباب كده بس انا هعرف منين ان اللى انا هرتبط به وبيحبنى هيتجوزنى ولا بيتسلى .(h.a)
h.a
مش معنى ان البحر ممكن يغرقنا يبقي مانركبش مراكب
معنى كلامى مش معنى ان فية حد بيفكر بتفكير رجعى في الحب يبقي مانرتبطش انتى ماقولتيش ان كل الشباب بتفكر زى بعضها بس قولتى ان اللى بيعملو الشبابا دا خلاكو ماترتبطوش عشان لما تتجوزو ماتوجهوش الموقف دا ودا اكبر غلط لا حبو واتحبو وافشلو وحبو تانى لحد ماتلاقو ابن الحلال اللى يستاهلكم
وميرسي على ردك يا جميل
السلام عليكم ازيك ياحمد اولا انا مش اعرفك خالص غير عن طريق البلوج بس بس انا مبسوطة انى بشارك معاكم يمكن اسلوبى جامد بس بجد انا من النوع الى بحب اقول الصراحة انا معجبة بيك لانك غيرت شوية موضوعيك لموضيع يمكن تكون مهمة لبعض الناس او تعالج مشاكل ومعتقداات بين الشباب سواء كانوا بنات او ولاد عن الارتباط الارتباط مش عيب ولا حرام بس كل واحد لية شكل معين فى نوع الارتباط زاى الحب لية اشكال حسب الشخصية وطريقة تفكريها ونوع حبها وحاجات كتيرة جدا هى بترجع حسب الانسان والانسانة بس الارتباط ياجمعا لية طريقة وتعبير معين لو الانسان كويس هاتحس اكيد مش هبل وانا متاكدة بجد انى الى بيحدد العلاقة هى البنت مش الولد سعتها هتعرف انت فعلا دى تنفع اتجوزها بدليا انك ساعت او اى حد من الجروب بتاعك بتشوف بنت تقول البنت دى جامدة مومووتتتتتتتتتتت بس محترمة مش بتاعت ارلاتبط دى مالهاش الا فى الجواز لانك عامرك ماعتعرف تمسك ايدها او تخليها تكدب على ربها وابوها وماماتها وتقولها انها خارجة مثلا مع نرمين وهى مع احمد او اسلوب وطريقة كلامها ومشيتها هاتخليك تترضى اصلا انك تتلاضى اى نظرة حد يشوفك معها ويبوصها ويقول دى (البت بتاعتوة) فهمتنى ولا اية هى الى بتحدد اما البنت التانية ليك حد تفكر ان كنت تتجوزها ولا لا انا بتكلم عن نوع معين من البنات يارب الكل يبقى كدة احمد المشكلة قينا احنا الشباب مش الحياة بس بص حاوليك اية بيحصل لينا ومن حولنا سواء فى حيتنا الديينية او الا جتماعية او السياسية او طموحك اية بتعمل اية علشان تبقى مستعد للخطوة الجاية هتعمل اية لو ان الموت جانا
انا مش قصدى حاجة طبعا بس الجواز دة مش الحل على فكرة ولا الحياة السعيدة ولا الحب ولا السعادة بس زاى مانتوا فاكرنها وواوحش حاجة بجد صدقونى انك مش تبقى فاهم نفسك ولا عارف انت عايز اية وخالوا باللكم من الفراغ(فراغ القلب وفراغ الغقل) ربنا معاك ومع حميع شباب المسلمين اختك سارة
saso52
سارة انا مش عارف اقولك اية ولا اية بس بجد ردودك عليا بتفرحنى جدا وسواء احنا نعرف بعض او لا دا شرف ليا وكنت اتمنى انى اعرفك طبعا وتقريبا انتى تعرفي ميدو
بالنسبة لكلامك اولا انا عارف ان فية شباب اول لما تشوف بنت تقول انها جامدة موز بس ماتنفعش للتسلية لانها محترمة لكن تنفع بس للجواز بس مش كل الشباب كدا وصدقيني انا او ميدو او فلان او علان ممكن منكونش بنفكر زيهم بالعكس احنا بنفكر في بنت محترمة وتكون تستاهل حبنا مش واحدة تكدب على باباها ومامتها
وعلى فكرة انهاردة كنت بتكلم انا وميدو واصحابنا عن ان الموت بيجي فجأة واننا مابنعملش حاجة لاخرتنا يمكن يكون فينا حد بيعمل بس مش كلنا
حكاية الموت بقت تخوفنا ممكن يجي فجأة والمشكلة ان احنا عارفين كدا ولسا واقفيين مكانا انا هتكلم عن نفسي انا مش وحش اوى بس برضو فية حاجات وحشة بعملها وبحاول اغيرها بس زى ماتقولى كدا ماعنديش اى ارادة انا عارف انى طالما قلت انى بعمل حاجات مش كويسة دا شئ كويس ويخليني ابدأ انى ابطلها بس مش عارف مسيدرة عليا فكرة انى اعيش حياتى ولما اكبر شوية ابقي اصلى وابطل اى حاجة غلط وبعملها وكدا مع ان الموت بييجي فجأة تخيلي انا عندى تضارب في افكارى قد اية
بس بجد ربنا يكرمك انشاء الله وميرسي اوى على ردودك
اخوكى احمد :)
اخى احمد لماذا لا تتقبل حريه النقد؟؟؟؟؟؟؟
السلام عليكم انا بجد مبسوطة مووتتتتتتتتتتتت من درك عليا المرة دى لانى لاول مرة احس انا عرفت اوصل معاك لنقطة واحدة فى التفكير وهو حقيقتنا وحقيقة حيتنا مع بعض وتفكير فى الموت او اللاحلام والحقيقة الحياة الى هنشوفها بجد لما نتخرج صدقنى انا لسة ماشوفناش حاجة خالص بس بجد يااحمد كل قصدى ان الحب لية اشكال كتيرة اوىىى لو الواحد ماعشهاش بيقى حرام علية بجد لانة ماعش حاجة كدة بليز حاول تتكتب عن كل الحاجات الى انت كتبتها فى ردك عليا لانها مهمة جدا يمكن ساعتها نعرف نحب بجد زاى الاول وزى زمان والافلام الحلوة ويمكن نعرف بجد معنى التضيحية من اتجل الحب فى حاجات كتيرة لازم نعملها الاول بليز حاول بجد تغير موضوع البلوج وشوف ساعتها اد اية الشبابا هيبقى معاك وهتوصل بجد حاجة كويسة وصدقنى دى هاتكون اول خطوة هاتعملها فى تفكير الموت لانك بتعمل حاجة لبعيد وممكن تاثر فى الناس وتساعدهم خاليك مغامر وانا حاسك مغامر اصلا شكرا على انك ببدات تفهمنى شوية لانك بجد فى الاول كنت حاسة انك مش بتتقبل النقد اوى بس دلوقتى الحمد للة شكرااااااااااااا اختكم سارة
سارة
الحمد لله اننا اتفقنا على راى واحد
وانشاء الله هحاول اغيير من افكار مواضيعي شوية ونتكلم في مواضيع تهمنا كلنا ولو عندك موضوع نتناقش فية اتبيلي واكيد هنزلة في بوست على طول
انا بستغرب فعلا ان لسه فى شباب ممكن تفكر بالطريقه دى زى صاحبك ده
طيب طالما انه مش هيتجوزها ليه بيعشمها وبيحبها وبيرتبط بيها
لو بيضيع وقت يبقى حرام عليه بنات الناس
ولو بيحبها بجد يبقى الصح انه يتجوزها
بس دايما الناس اللى بتفكر كده بتقع فى بنات ما يعلم بيها الا ربنا
البوست جميل اوى
تحياتى ليك
موضوعك معدى
وصحبك ده يندرج تحت دائره التظبيط
والتى يقوم بالاشراف عليها الشخصيات المريضه امثالنا
عشان اكون صريح
بس كما تدين تدان
الموضوع رائع واتمني كتابة الكثير من الموضوعات
انا مش فاهمة بجد يا احمد اية التفكير الغريب دة
ازاى بقى فى حد بيفكر كدة دلوقتى
المفروض ان لو واحد فعلا بيحب واحدة بجد وخلاص ارتبط بيها
معنى انة ارتبط بيها يعنى اختارها خلاص تكمل باقى حياتها معاه
لكن مش عشان كلمتة تبىق قليلة الادب ومنحرفة
ع الاقل فى الفترة دى هيقدر يعرف هى شخصيتهااية بالظبط
احسن ما يروح يقعد فى صالون ويشوف بنت زى القمر ومحترمة جدا
وبعد الجواز يكتشف انها كانت على علاقات ب100 شاب فى الوقت نفسة
بجد تفكير غريب
بس البوست اسلوبة جميل جدا
تسلم ايدك يا احمد(f)
السلام عليكم ازيك يا احمد هو الموضوع جميل وبجد شيق اوى بس بجد انا مش عارفه اجمع افكارى واقول رايى فى الموضوع ده علشان الحل بيبقى فى ايد الولد مش البنت علشان من المفترض ان الولد هو اللى بيتقدم للبنت مش هيا وبجد الحكايه دى اثرت فيا علشان الولد ده بالطريقه بتعته دى بيظلم ناس كتير وقلوب كتير اوى الصراحه ده كل الكلام اللى انا قدرت اجمعه على الموضوع بس بجد ياريت تكتبوا اكتر فى الموضوع ده من اراء علشان اكون راى انا كمان علشان انا متلغبطه اوى ميرسى اوى لولا
كما تدين تدااااان
rania
انا واحده من البطيخ...بطيخه اتشافت واتشالت....ولسه ماتشقتش... وماتفتحتش..وشكلها مش هاتتشق على ايد..شارى البطيخه....مش عارفه افتحله اقلبى..مع انه حد كويس قوى....بس معرفش..حاسه انى هاظلمه...بس ليه...مش فتره الخطوبه المفروض انها لكده...يا اما ارتاح يا اما مارتحش...مش ده الجواز ..الصح......مش هم اللى بيقولو عايزه تتجوزى ازااى...خلاص..فل........
Post a Comment