خايف
خايف اقابلة
انا كنت بعيد خااااالص
وبدات احاول اقربلة
بس خايف
خايف ابعد تانى
اسوأ شعور بالخوف الانسان بيحس بية لما كان صغير شوية
وهو برا البيت وماشي مع مامتة وتكون شايلة حاجات كتير في ايديها ومفيش ايد فاضية تمسك ايدة ويدوبك ماسك في هدومها وهو خايف ايدة تفلت وتيجي واحدة كدا طول بعرض بارتفاع
تروح خابطاة ايدة تفلت وفي وسط الزحمه عيونة تغيب عن مامتة ومايبقاش شايفها
بتمر علية ثوانى كانها سنين
احساس بالخوف بيمر في جسمه كله رعشة بتخلي عينية تدمع من مجرد التفكير انة كدا مش هيشوفها تانى ولا انها هتقدر تجيلة تانى وتمسك ايدة
مليون فكرة بتلف في عقلة الصغير مابيقدرش يقاومها وبيبتدى يفقد الامل انة
ممكن يشوف مامتة تانى
وبيفضل يلف بعيونة في كل مكان ويجري كمان دا لو كان رجلية قادرة تشيلة ويجري من كتر الرعب انة كدا خلاص
فكرة واحدة بتسيطر عليه انة كدا
تاه
الشعور بالخوف دا ماليني ومسيطر عليا بس مش انى اتوه من مامتى وماشوفهاش تانى
بس انى اتوه عن الدنيا واروح ماقدرش ارجع تانى
انا حاولت ارجع تانى
ارجع للى احسن من مامتى
ارجع لربنا
بعد ماكنت بعدت اوى عنه
وبدات ارجع بس مفيش حاجة بتيجي بالساهل
الف حاجة وحاجة بتضعف اى انسان بتبدى تبان ادامة وتغرية انة يفضل كدا زى ماهو
يمكن يكون دا اختبار
بس كل انسان وعنده قدرة احتمال مش معقول هقدر اقاوم كل دا
خايف افشل في انى ارجع تانى للطريق للصح واضعف وافشل انى ارجع وتتقلب عليا وارجع اكتر من الاول
بس لما فكرت في كدا افتكرت ان الطفل اللى شعر بالخوف وانة تاه مش هيا دي نهاية حكايتة
لا
بعدها بشوية بيركز ويحاول يشوف في وسط دموعه اللى ملت عينية ويلاقي قلبة اللى كان بيدق وحس انة هيطلع برا جسمه من كتر الدق يلاقية رجع تانى وهدى والدنيا اللى بقت مزغللة من كتر دموعه تبدى تبان احسن ويلاقي مامته واقفة ادامة هيا كمان قالبها رجع مكانة
من كتر الخوف على ابنها وتجرى علية وتضمه ويحسو ان الدنيا ابتدت تضحك تانى وتمسك في ايدة كويس هيا هتبصلة جامد وتخلية يبكي اكتر بس دا من خوفها علية وانة مايعملش كدا تانى بس بسرعه هترجع تضحكلة تانى وتقولة
ماتعيطش بقا اديني رجعتلك تانى وبضحكلك اهو
لما افتكرت النهاية دى قلت مايمكن الدنيا ترجعلى تانى وتبقي احلى وتبصلي جامد وتقولى
ماتعيطش بقا اديني رجعتلك تانى وبضحكلك اهو
ياترى انا اللى المفروض اجرى علي الدنيا وانسي الاخرة ولا استني لما الدنيا تجيني لوحدها وتضحكلى ؟
بس انا مستني من زمان ولسا مضحكتش
ومن كتر ماستنيتها بعدت عنها وعن ربنا
انا مابقتش عارف افكر ولا اقرر
وكل اللى مسيطر عليا الخوف والتردد
.jpg)
17 comments:
اشطه يامان انا رجعت تانى اهو بس يارب الدنيا تتعدل :(
بص كل واحد فى ايده انه يغير نفسه بس بيستنى الفرصه او بيستنى حد يشده ومش عيب بس احنا مش هنفضل مستنيين كتير لان اخرتنا ممكن تكون بعد ثانيه (فكر انت بس فى كده)وعلى فكره الدنيا ابسط من كده بكتير اوى اوى والالتزام ده اهم حاجه فى الحياه لان اى بنى ادم ملتزم لو عرفت هو بيفكر ازاى هتلاقيه مستريح جدا جدا ومش شايل هموم لانه مؤمن بالله(سبحانه وتعالى )
وعارف انه ملتزم وبيخاف من ربنا علشان كده عارف ان ربنا هيكرمه وهيديه على قد نيته
حاول تغير نفسك وتقعد مع نفسك وتشوف ايه صح وايه غلط وصدقنى لو انت عايز تتغير من جواك هتتغير ومحدش هيقدر يأثر فيك لو انت من جواك عايز تتغير نصيحه منى اتقرب من ربنا اكتر واكتر وهتعرف قد ايه الحياه دى متسواش اى حاجه
متسواش كدبه ولا تسوى روشنه ولا تقضيه ولا تسوى انى اعيش على الناس واحور عليهم ولا اجيب سيرت حد
اقعد مع نفسك وفكر فى كل حاجه غلط عملتها وان شاء الله ربنا هيكرمك ويكرمنا ويهدينا ان شاء الله للطريق الصحيح
نصيحه منى (التغيير لازم يجى من جواك متتغيرش علشان حد لان لو الحد ده مبقاش معاك هتلاقى نفسك ضعفت ورجعت يمكن اسوء من الاول اتغير علشان ربنا )
mido_z77
يا وله اللى يتغير عشان ربنا دا بيفكر صح وربنا هيكرمة انا الحمد لله بتغير عشان ربنا وكمان اللي بيتغير عشان حد يبقي معنى كدا انة بيحب الحد دا بطريقة ماينفعش تتوصف بالكلام
والمفروض الحد دا يقدر كدا
بس المشكلة انى مش عارف انا بتغير عشان حد ولا عشان نفسي بتغير عشان المجتمع بيشوف ان دا غلط ولا بتغير عشان نفسي بتغير عشان ربنا قال دا غلط ولا بتغير عشان نفسي
تناقضات كتير
اللي بيشب على حاجة بيشيب عليها
طب واللى يغير اللي شب عليه دا يبقي اية
بيغيرة لية
ماهو طول عمره شايف انه هوا دا الصح
ولمال غيرة مابقاش عارف بيغيرة عشان المجتمع ولا عشان حد ولا عشان نفسي ولا عشان
ربنا
ربنا يثبتنا على اللى احنا فية ويخلينا احسن من كدا كمان
المهم انك بتحاول ترجع واللى انت شبيت علية بيترمى قدامك على الارض عشان ماتبقاش احسن وتفضل علية
المهم هنا هتقدر تقاوم ولا مش هتقدر
فية حد هيقف جنبك ويساعدك ولا الناس هتبعد عنك وتسيبك تحارب وحدك
فية ناس تقدر تقاوم لوحدها وناس مابتبقاش شايفه حاجة قدامهم تقاوم عشانها ازا كان على نفسي فهيا ضاعت في وسط المجتمع الغريب اللى عايشين فية
وازا كان على المستقبل الباهر فهو باين من دلوقتى وانت اكتر واحد عارف
وازا كان عشان حبيبة فبرضو احنا الاتنين شفنا اللى حصل وهما ماقدروش يقاومو عشاننا وباعو القضية اشمعنى احنا هنقاوم
حاجة واحدة ممكن تخليني اقاوم وهيا
ربنا
يارب ثبتني وخليني اقاوم يارب انت اللى عالم بالدنيا اللى احنا فيها انت اللى عالم بحال شباب قدامه شهور ويترمي في دنيا ماتعرفش لغة غير الفلوس والنفوذ شباب طول عمره بيتمني حياة على ادة وراضي بيهاوعمره مابص للى في ايد غيرة شباب مابيتمناش في الدنيا غير حياة كريمة يعيشها من غير مايكون خايف من بكرة من غير مايفكر الف مرة لما يتخرج هيعمل اية لما تترمي على كتافه مسئولية انة يدور على شغل عشان يعيش حياة كويسة وعشان يتجوز ومايلاقيش غير ضياع وفقر وطلم وافترا ودنيا مابتضحكش وبلد فيها اللى يعرف طريق الكوسة يبقي ملك واللى ينحت في الصخر بشرف ومايمدش ايدة للحرام بيعيش بس من غير مايتنفس من غير ما يجتهد ويلاقي ابن الباشا خد مكانه
يمكن الدنيا مابتديش كل حاجة للانسان
ولازم تخلية يسعى ورا حاجة عشان يبقي فيه لحياتة معنى بس احنا بشر ولينا طاقه ولازم يكون لينا هدف عشان نسعي الية بس بعد اللى قلتة دا مابقاش ليا اى هدف
ازا كان على الجنة فانا هلتزم وادعي انها تكون ليا
وازا كان على الدنيا فخلاص راحت من ايدينا
محدش يجي يقولى المستقبل مشرق والدنيا حلوه واضحك للصورة
بلاش نضحك على نفسنا وعلى فكرة انا كنت متفائل جدا بس بعد ماشفت الدنيا على حقيقتها قلت انا اقوم اصلي احسن على الاقل اعمل لاخرتى واسيبني من دنيتي اللى شكلها مش ليا ولا لاغلب الناس اللى زيي
يارب تقبل دعايا وثبتني انا والشباب كلهم وارزقنا الجنة لانها هيا بقت املنا الوحيد
يارب تقبل
بص ياولدى (حلوه ولدى دى صح) احنا نعمل اللى علينا ونخليها على ربنا ومنفكرش فى اى حاجه تانيه غير اننا الاول نعمل اللى علينا واذا كان على المستقبل ففى فرق بين واحد صابر وعارف ان هايجى اليوم اللى ربنا هيكرمه فيه وعلشان كده مراعى ربنا ومش بيعصيه ومحافظ على صلاته وعلى حياته وفرق بين واحد قاعد بيفكر فى مستقبله وبيقول ده وحش وفلوس وظلم طيب ماطلما انت مش مراعى ربنا ومش بتصلى ومش بتعمل اى حاجه يبقى لازم تتظلم
فى ناس ماشاء الله عليهم وعلى تدينهم وبيحصلهم حاجات كتير وحشه بس معندهمش غير كلمه واحده ((( الحمدلله على كل شىء(((
لانهم بيعملوا لاخرتهم ومش مستنين حاجه فى دنيتهم ودى كلها اختبارات ولازم نعديها
نعديها بالصبر وبالايمان
خليها على ربنا واعمل اللى عليك ومتستناش حاجه لان اكبر مكافأه لينا ان شاء الله هاتبقى الجنه وعلشان كده تغور الدنيا بالى فيها
ربنا يصبرنا ويكرمنا ويخلينا احسن واحسن بالايمان والتقوى
صباح الخير
أنا معنديش كلام بعد الكلام الحلو الى الناس ردت عليك بيه
انا عرفت دلوقتى ان الدنيا لسه بخير ولسه فيها شباب زى الفل الحمد لله
ربنا يثبتنا على اللى احنا فيه ويزيدنا كمان
على فكره
أنا أول مره أعرف امبارح اللى هو يوم الخميس من أصحابى ان القيامه هاتقوم يوم جمعه
الكلمه فضلت ترن فى وادنى كتير اوى لحد ما روحت ونمت وطبعا حلمت بيها
زى ما انت عارف حياتنا ممكن تنتهى فى لحظه
****
هاقولك على حاجه أنا مؤمنه بيها
فيه ناس أما تعاملهم كويس اوى وباحترام اوى يدوك على دماغك ومايعاملوكش حتى بنفس الاسلوب اللى انت بتعاملهم بيه
تيجى تقلب وشك عليهم وتعاملهم المعامله الى تليق بيهم تلاقيهم راجعين زى الجزم
مش كل الناس طبعا
عارف من ضمن الناس دى مين؟؟؟
الدنيا
rania
السلام عليكم اولا الكلام دة جامد جدا جدا ويمكن يكون من اول المواضيع الجامدة ومش هايفة فى البلوج الى حد ما انا مع كلام ميدو جدا الواحد لازم تيغير علشان ربة مانكرش ان فى ناس بتساعد او بتسهل الطريق لناس انهم يتغيروا بس مش بيكونوا هما الاساس هما مجرد عامل والانسان لما بيتغير بياخد وقت مش فاهم هو كدة صح ولا لا او مرتاح ولا لا دة اول الطريق علشان كدة انت مادام محتار تبقى بدات الطريق صح المهم تكون مقتنع بالى بتعملوة ولا تجنن نفسك الجواب سهل اوى ومش تبقى مستعجل كل حاجة بوقتها واونها ولازم تكون على ايمان قوى بربك واتغير علشان نفسك واعرف طريق الى انت عايزة وربنا اكيد هيكرمك واعرف ان ربك عمرة مابيرجع عبدة لو طلب مساعدتة وربك معاك على طول الحياة دى لعبة لازم تطلع منها كسبنين على قد مانقدر بس كسبنين الاخرة مش الدنيا طول مانت بتعمل للاخرتك هتلقى كل حاجة فى دنيتك وربنا يكرمك ويكرم كل الناس خليى عندك ايمان بربك وشوف انت عايز اية واداى نفسك فرصة تفكر وتعمل ولما تعمل حاجة فعلا صح او تاخد خطوة لادام هتعرف اذا كنت انت صح ولا لا وانا حاسة انك لسة فى اول اول خطوات التغير ربنا يكرمك بس وفعلا على كلام ميدو الدنيا مش تسوى اى اى اى حاجة فاعيش صح وجربها بس بطريقة صح الدين يسر مش عسر ياجمعا وكل حاجة لو عملتها بنية حلوة علشان تساعد غيرك بجد صدقنى وعن تجربة هاتساعد غيرك وهتبقى فى منتهى السعادة تعمل ليك ولغيرك وفى نفس الوقت للاخرتك اعرف الدنيا صح اعرف انت عايز ايةوقرر ومع الوقت هتحدد دى فترة طبيعة بيمر بيها اى واحد عايز يتغير واعتقد ان الكل مر بيها انا عن نفسى عشت شهرين من عمرى زايك بالظبط والحمد لله ربنا كرمنى وهيكرمك باذن الله وخالى بالك من كلام ميدو ول حاسس انك مش هاتقدر تكمل دلوقتى او انك مش حاسس انك صح مش تتسرع علشان زاى ماميدو قال ممكن ترجع اسوء من الاول كل واحد لية وقت واوان لو مش وقتك ادعى ربنا يهديك وياجمعا ربنا يكرمنا كلنا الفترة دى علشان هى فترة اكتحانات ومحتاجين دعاء اسال الجميع الدعاء لنا بالنجاح .
ليه كدة بس كل الإحباط ده بص بقا أنا هقولك حاجة ليه ماتقولش إنك ممكن تركب المركب بالمقلوب و تنجا عارف يعني إيه : يعني ممكن تتخبط كتير أوي في الدنيا دي بس على فكرة ده بيكون إختبار من ربنا و بعدين بيكون برضه ربنا راضي عنك و عايز تتقربله بالدعاء إدعيله كتير أوي و قربله و هتنجى من الدنيا دي على خير إن شاء الله و أكيد هتلاقي الدنيا و الآخرة عشان دينا دين الدنيا و الآخرة أوعى تنسى و تتحبط كدة من حياتك و عليك بالقرآن و ربنا معاك و كمان يابني مفيش حاجة تستاهل إنك تبعد عن ربنا استغفر الله العظيم
بص ييا صاحبي
كان فيه حديث قدسي ربنا قايله معناه
ان قد ما هاتجرى ناحية ربنا ربنا هايجيلك مسافات اكب ر و اكتر
انا شخصيا مريت باللي انت بتقوله
بس انا فهمت بقى حاجات كتير
بجد ربنا بيحبنا قوي و بيحب توبتنا و بيحب رجوعنا
و على قد ما انت هاتكون جاد في انك ترجع ليه
على قد ما ربنا هايثبتك و يوفقك
ربنا يثبتك
بس ملحوظة هو ليه كل اللي بيردو عندك
Anonymous
شكرا لكل اللى اهتمو بالموضوع اللى اتكلمت فيه انا مش هقدر ارد على كل واحد لوحدة لانى حاليا مشغول اوى بالتفكير يمكن تكون فية افكار اتغيرت وافكار ماتغيرتش ويمكن ...معرفش بس انا بدات في مرحلة انى اخد قرار
بجد شكرا لاهتمامك
وبطلب منك حاجة واحدة ادعولى ان ربنا يهديني للحق
انا اللى المفروض اجرى علي الدنيا وانسي الاخرة ولا استني لما الدنيا تجيني لوحدها وتضحكلى ؟
بس انا مستني من زمان ولسا مضحكتش
ومن كتر ماستنيتها بعدت عنها وعن ربنا
والله يااحمد الدنيا دي مش مستاهله
ان حد يجري عليها ولاحتي يفكرفيها اصلا
لانها فانيه ومش بقيلنا غير الاخره
يارب بس يحسن ختامنا اميييين يارب
وبعدين فعلا كل مابتقرب من ربنا
وتسيب الدنيا بهمومها
لازم هاتقابلك اكتر من ملوين حاجه هاتضعفك
وهاتغريك وده اللي ربنا بيمتحنك بيه
وده اللي هاتثبت بيه فعلا رغبتك انك عاوز تبقي احسن
اثبت علي اللي انت عاوزهخ وان شاء الله ربنا يثبتك ويهدينا كلنا ياااارب
محدش واخد منهاحاجه
سوري علي التاخير
احنا ظلمنا نفسنا بس يلا دنيا وى هتخلص ويجى غيرها وغيرنا
بص هقولك و انت بتدعى قول يا رب ساعدنى و عينى على نفسى
محتاج مساعدتك يا رب
و صدقنى و الله باذن الله ربنا هيقف جنبك
هتعيش حياتك فى طاعته و هتتقيه
لانه هيساعدك
عمرك ما هتوه و ربنا معاك
و بيساعدك
تحياتى لك
صدقنى انا جربتها و الحمدلله
اولا ازيك يا احمد
معلش ع التقصير بس بجدملطشة معايا جامد
بالنسبة بقى للبوست
البوست دة انت بجدعبرت فية بتعابير حلوة اوى
بس فى نفس الوقت معجبنيش كلمة قولتها
وهى اجرى ع الدنيا
يابنى الدنيا متستاهلش ان احنا نجرى وراها
بالعكمس الاخرة هى الى نجرى وراها بالمسافات
قرب من ربنا
لانة هيكون وكيلك الوحيد
الى بجد معاه هتحس بالامان والراحة وهيشيل عنك كل هم
عارفة ان الدنيا مغرية اوى
وكل يوم بيطلع حاجة جديدة تشدك ناحية الدنيا اكتر
بس لو قربت من ربنا اوى
هتحس ان كل دة ميساويش
متجريش ورا الدنيا
عشان هتفضل تجرى فى دايرة مقفولة مالهاش نهاية ومش بتوصل لحاجة
وحاول تعمل ضبط نفس وتفكر بهدوء
وربنا معاك ان شاء الله
معلش رغيت كتيير
وطمنا عليك
دور على الدنيا والآخرة ...الدنيا مش هترجعلك والآخره مش هتعرف توصلها غير المرور الصح اللي في الدنيا ..والدنيا مش بتدي ضهرها لينا علطول .. كل فين وفين لازم تبص لنا وتبتسم ..ربنا معاكـ ..وصفكـ للطفل التائه رائع ..بجد بوست جميل جدا ..وأتمنى أنكـ توصل لحلول قريب
اعمل لدنيك كأنك تعيش أبدا واعمل لأخرتك كأنك تموت غدا
وازن يا احمد
متقفلهاش اوى فى دنيتك
وبرده متعيشهاش وتنسى خالقها
بس صدقنى دايما الراحه فى قربك لربنا
صدقنى بينور الطريق بطريقه سهله
وبتحس ان كل حاجه بقت كويسه وماشيه من غير اى عرقله
متخافش من حاجه اللى مقدر ومكتوب هيحصل ومفيش مفر منه
أهم حاجه انك متقصرش اعمل اللى عليك وزى ماتيجى صدقنى
اتمنى تكون بخير دايما
ربنا يكرمك ويسهل كل امورك
لو فى ايدى اى مساعده اقدمهالك انا ايميلى انت عارفه
ابعتلى وأنا تحت أمرك
ربنا يسعدك دايما
تحياتى
احمد انا مررتلك تاج
تحياتى
مدونتك حلوة اوى يا احمد ومش معقده احلى حاجه فيها ببساطتها اللى بتحس بيه هو اللى بتكتبه من غير فزلكه وهو ده المطلوب عشان يوصلنا احساسك انا دخلتها بالصدفه واسم مدونتك حلو هو كمان لان اجمل شئ فى الدنيا الحب مش مهم حب مين لمين المهم ان عندك قلب ولسه بيدق ان شاء الله مش تكون اخر ذيارة لمدونتك الجميله
عن الملاقه ليش تتكلم مصري يعني ؟؟ لا ومغير اسمه بعد :p
و بعدين انته حلو ما فيك شي عشان توري البنات صور ربعك و تقولهم انه هذا انته و تنرفزت لمن دريت انك تجذب علي بالصور معني ما توقعتك تجذب علي و اعتقد انك مجذب علي بكل شي مو بس
بالصوره المهم الله يسامحك
من:وحده وثقت فيك
ادري انك اذا قريته راح تعصب هذا اذا قريته بس انشاااااله ما تعرف منو انا عشان مالي خلق انزف:p
باااااي حياااتي:p
Post a Comment