هو الحب لية سن يا بني ادمين؟
سؤال قابلنى كتير هو الحب لية سن ؟
انا عن نفسي هرد واقول لا طبعا مالوش سن لو هنتكلم على الحب الطبيعي بين رجل وامرأة استحالة يبقي لية سن لان مشاعر الحب دى اقوى من مشاعرك وانت عندك برد دا حتى البرد ممكن تعرف تتحكم فية وتشرب لمون انما الحب دا هتشربلة اية ...انت ممكن تحب حد في اقل من ثانية ودا الحب من اول نظرة وممكن تحب كدا من غير ماتحس ومتعرفش انك بتحب غير لما اللى بتحبة دا يبعد عنك ممكن تشوف واحدة في الجامعه او النادى او حتى في مترو ماتبقاش قادر تبعد نظرك عنها طب ما احنا ايام المدرسة كنا بنحب وايام الجامعه بنحب وفية ناس عندها بتاع 60 سنة ممكن تحب طب ازاى نقول ان الحب لية سن معين....اللى خلانى اسال السؤال دا ان فية كزا حد علق في البوستات بيقول اننا لسا صغيرين واننا بنحب حب مراهقة وفيي حد كتبلي (انتو لسا عندكو بتاع 20 او 21 سنة يعني لسا صغيرين على الحب) يالاهوى 20 او 21 وصغيرين على الحب طب لو ماحبناش دلوقتى هنحب واحنا كام سنة انا اعرف ناس اتجوزت وهيا عندها 20 سنة عن قصة حب يبقي ازاى حبهم دا كان حب مراهقة استحالة يبقي حب مراهقة لان حب المراهقة دا مابيبقاش مشاعرة حقيقية او مش مكتملة اوى معقولة 20 سنة ولسا حبنا حب مراهقة ...انا هتجنن...
انا عن نفسي هرد واقول لا طبعا مالوش سن لو هنتكلم على الحب الطبيعي بين رجل وامرأة استحالة يبقي لية سن لان مشاعر الحب دى اقوى من مشاعرك وانت عندك برد دا حتى البرد ممكن تعرف تتحكم فية وتشرب لمون انما الحب دا هتشربلة اية ...انت ممكن تحب حد في اقل من ثانية ودا الحب من اول نظرة وممكن تحب كدا من غير ماتحس ومتعرفش انك بتحب غير لما اللى بتحبة دا يبعد عنك ممكن تشوف واحدة في الجامعه او النادى او حتى في مترو ماتبقاش قادر تبعد نظرك عنها طب ما احنا ايام المدرسة كنا بنحب وايام الجامعه بنحب وفية ناس عندها بتاع 60 سنة ممكن تحب طب ازاى نقول ان الحب لية سن معين....اللى خلانى اسال السؤال دا ان فية كزا حد علق في البوستات بيقول اننا لسا صغيرين واننا بنحب حب مراهقة وفيي حد كتبلي (انتو لسا عندكو بتاع 20 او 21 سنة يعني لسا صغيرين على الحب) يالاهوى 20 او 21 وصغيرين على الحب طب لو ماحبناش دلوقتى هنحب واحنا كام سنة انا اعرف ناس اتجوزت وهيا عندها 20 سنة عن قصة حب يبقي ازاى حبهم دا كان حب مراهقة استحالة يبقي حب مراهقة لان حب المراهقة دا مابيبقاش مشاعرة حقيقية او مش مكتملة اوى معقولة 20 سنة ولسا حبنا حب مراهقة ...انا هتجنن...
..ويبقي السؤال ________هو الحب لية سن يا بني ادمين______؟
.jpg)
20 comments:
ايه ياعم ده انا زهقت بقى هو كله حب حب مفيش حتت جبنه ولا حتى سندوتش شاورما عيزين حاجه جديده
اهلا بيك يا باشا بس انت تقريبا غلتط في العنوان شكلك عاوز مطعم ام طارق اللى بيقدم سندوتشات جبنة وشاورمة بس دا المحل اللى جنبنا
بجد المدونة رائعة والاحساس فيها عالى جدا
بس انا من رايى ان مفيش سن للحب لانى اناعندى اصحاب كتير اتجوزا وهما عندهم 20 سنة وكان جواز عن حب يعنى اكيد مش هيكون حب مراهقة
هاى عليكو انا عايزة اقول ان عمر الحب كان ليه سن معين لانه حاجة مش بادينا ومنقدرش نقول لقلبنا لا مدقش دلوقتى علشان انا صغير ودق لما اكبر شويه
malak
انا مبسوط اوى ان البلوج عجبك ومبسوط ان رايك زى رايي وانشاء الله اشوف البلوج بتاعك
---------------------------------
مجهول
كلامك فعلا صح احنا منقدرش نقول لقلبنا حب ومتحبش الحاجات دى بتيجي كدا
وميرسي على مرورك والمرة الجاية تبقي تكتبي اسمك عشان نعرفك
سلام عليكم ازيك يااحمد انا بجد بيعجنى ردك عليا بس لو كان كلامك صح ماكنتش عملتوا البلوج دة ولا كلامكم على انكم معزبون بسبب الحب انا بجد عاجبنى اسلوب تفكريكم على فكرةة انا عندى 20 عندى ادكم بس الحوار كلة انى بجد شايف انك بتبسوا للحب من نحية واحدة بس فكر كلكم مخدوعين ومظلميين حط نفسك مرة مكان البنت الى تحب ولد ادها فى الجامعة انت تفكيرك زاى ماكنت فى ثانوى زاى ماكنت فى اولى جامعة اكيد هايختلف لما تتخرج وتعرف الحياة بجد وتعرف يعنى اية عذاب مش شوية مشاعر ضعيف بين اى اتنين فى الجامعة احلامهم هى طموحهم انا مش بقول ان مافيش حب لا فى بس بس الحب الى انتوا بتحبوة دة وعلى الفكرة سن المراهقة دة بييبقى حسب الشخصية وعاتا من 13 : 21 اوك الحب مش بسن طبعا بس السن هو الى بيحكم العقل والحب محتاج عقل زاى ماهو محتاج قلب بليز بص حولك شوف دنيتك صح اعرف الى بييحصل من حوليك من حوارت بنات وولاد ونقول حب فاهم قصدى من السن ولا لا يمكن فى ناس كتير فى سنك بس عقلهم اكبر منك هنا بقى يبقى الحب عيب عليكومحتاج سن وعقل وتفكير ودين ياريت مش تنسوا ديينك فى كل حاجة على العموم فى الناهية انا مش قصدى اى اساءة خالص انا عاجنبى فكرة انكم شباب عايز يعبرة عن راية هو صحيح المشكلة فى الراى ولكنة لا يفسدفى الود قضية .
ساسو ..... الحمد لله الواحد مش طول حياته بيفكر فى الحب والجواز وكده والحمدلله فى امور دينى دى اهم شىء فى حياتى وانتى طبعا عارفه عنى كده والحب ملوش سن خالص بس ده بيعتمد على العقل منا ممكن يكون عندى 16 سنه وتفكيره اكبر من اللى عنده 26 سنه والصغير يكون واخد الحياه جد اكتر منه ومش مقضيها مع البنات وبيفكر صح ومش بيلعب وعموما الحب مش كل حاجه فى حياتنا وفى حاجات دلوقتى اهم من الحب علشان يجى الحب الصح وطبعا هى مستقبلنا وربنا يوفقنا كلنا بقى mido_z77
السلام عليكم انت عندك حق الحب مالهوش زمان و لا مكان هو بيجي كده زي القضى المستعجل و احنا لازم نفكر بعقلنا وبعد كده نرحب او ما نرحب علشان ما نظلم حد
SASSO
saso52 ميرسي اوى على ردك الجميل بس تعليقي هو ان فية فعلا حب ايام الجامعه بتبقي مشاعره ضعيفة وبرضو فية مشاعر بتيقي حقيقية والدليل ان فية ناس كتير اتجوزو عن طريق حب الجامعه ومش شرط يبقي فية عزاب زى ما انتى فاكرة ان احنا بنقول بس اللى احنا بنتكلم فية هو ان الظروف بقت ضد اغلب الشباب بمعنى احنا هنا بنتكلم عن قصص حبنا سواء اللى فشلت او انتهت بالقدر واغلب اللى خلى القدر ينهي القصص دى هو ان الظروف بقت طينة خالص ومحدش يقدر يتجوز بسهولة ومفيش شغل ولا مستقبل مضمون وبيتيهيالى اننا من حقنا نحب ونهاية اى قصة حب حقيقية هيا الجواز وهيا دى المصيبة الكبيرة ان لو اىلواحد بيحب واحدة بس مش قادر يتجوز ويجيب شقة عشان ظروف البلد المنيلة يبقي اكيد حبيبتة هتضيع منو ويجي حد يخطبها ويكون جاهز ______________________________
تانى حاجة كلامك صح جدا في حكاية ان ممكن حد يبقي في سنى او اصغر وعقلو اكبر منى بس رايي الشخصي ان احنا سننا اكبر شوية من سننا لاننا لو كان تفكيرنا اصغر من سننا عمرنا ما كنا فكرنا في الجواز اكيد كنا هنفكر اننا نقضي يومين وخلاص _______________________________
تالت حاجة صدقيني طالما بنفكر في الجواز سواء كنا نقدر علية او لا دا ياكد اننا مهتمين بدينا لاننا لو مش مهتمين بدينا كنا عملنا زى ما انتى ما قلتى اللى بيحصل بين اى بنت وولد تحت اسم الحب وانتى فاهمانى طبعا واكيد كل اللى هيقرا هيفهم وننا نعمل كدا دى حاجة سهلة جدا والحمد لله عمرنا ما فكرنا فيها وبنفكر في الحاجة اللى بيامرنا بينا دينا وهيا الجواز-----------------------
وبجد بجد عجبني ردك جدا بس ياريت تبقي تقوليلي انتى مين لو كنا نعرف بعض
sasso تعليقك صح جدا لان الحب بيجي زى القضا المستعجل بس حكاية اننا نفكر بعقلنا عشان ما نلم حد دى مش اى حد بيقدر يتحكم فيها في الغالب الناس بتفكر بقلبها ودا للاسف بيخليهم يظلمو اللى قدامهم لو حبهم مكنش صادق
خليك واقعى اكيد طبعا له سن
يعنى مابين سنه لعشر سنين زياده او نقصان اكتر من كده يبقى دخلت حاجات فى بعضها
يعنى يتبقى مشاعر ماديه مشاعر ابويه
اخويه كلام من ده
khaled
منورني يا باشا في البلوج
بسص حكاية من سنة لعشر سنوات دى يبقي كدا هنتكلم عن حب بيبيهات
او نتكلم عنها في برنامج عن الفاطفال الرضع :)
اية يا عم خالد انا عاوز تعليقاتك اللى في صمييم الموضوع
وميرسي ليك على اهتمامك
وهستني ردودك دايما
يابنى افهم قصده ايه الاول
خالد يقصد حاجه تانيه خالص غير اللى انت فهمته
وشكرا ياخالد على ردودك فى البلوج
وياريت تفضل على طول منورنا كده
mido_z77
لا انا فاهم قصد خالد وكنت بهزر معاه
وبعدين هو انا خلاص
لا بقيت افهم كلام حد
ولا بقيت اعرف ارد على حد
السلام عليكم اكيد الحب مالهوش سن معين و لا وقت و لا مكان هو بيجي زي القضى المستعجل كده بس احنا لازم نفكر بعقلنا علشان ما نظلم و لا نتظلم بس كده سلام
SASSO
هاى انا عايزة اقول ان الكلام عن الحب بجد شىء حلو اوى وعايزة اقول رائى فى حكايه الحب عامه بصوا يا جماعه انا مش مقتنعه بحاجه اسمها حب من اول نظرة والكلام دا الى عايز يحب حد بجد هايخلى نفسه يحبها اقولكم ازاى يعنى مثلا يشوف كل حاجه حلوة فيها ويبعد عن نظرة كل عيوبها ويخلى نفسه يحبها بجد وكمان انا عن نفسى بعجب بناس كتير جدا ومش عارفه اقول انى بحبهم لانى حاسه انى مش هاحس الاحساس دا خالص انا هاكون كذابه لو قولت انى مش عايزة احب اة انا عايزة احب زى اى بنت فى سنى وكدا بس يمكن مش لاقيه الى احبه ويحبنى وكمان انا كل صحابى بيحبوا وبيتحبوا بس انا مش عارفه احس الاحساس دا ادعوا لى يا جماعه بس الحب طبعا ليه سن انا عايزة اسالك سؤال احمد انت ممكن تحب واحدة اكبر منك ب40 سنه لا طبعا انت اساسا مش هاتفكر تبص لها
السلام عليكم ورحمه الله وبركاته بجد انا بشكرك على الموضوع ده جميل اوى انا بقى من راى ان الحب لما بيخبط على قلب اى حد سواء كبير او صغير هقوله لا متخشش لا طبعا علشان الحب ملهوش سن معين بس طبعا لازم يبقى فى زوق يعنى مش واحد يحب واحده اد بنته ولا واحده تحب واحد اد ابنها دا طبعا مينفعش خالص (لولا)
سلامو عليكو
الحب ملوش أى قيود سواء سن أو غيره
ده الحب الحقيقى الى بتقابله مره واحده بس فى حياتك
لأن مش سهل حد يعتر فى المدعو ده الى اسمه الحب
القصص الى انت بتحكى عنها ان فيه ناس اتجوزت فى سن ال20 وعن حب كمان دى مش كتيره
الاكتر منها قصص حب فى ال20 ومكملتش لانها مش حقيقيه دى بيتقال عليها مراهقه
"لكل قاعده شواذ"
rania
السلام عليكم ورحمة الله
أنا اعتقد بان الحب ما له سن معين بس الواحد لازم قبل كل خطوه يفكر بحياته مع الي بيحبها هي او هو محتاج أكثر من الحب وهذا راي بصراحه >>عواشه>> وشكرا على المدونه الروعه
انا لسى داخله الجامعه وكنت مفكره
انوو الجامعه لو محصلتش فيها حب او على الاقل يحصل لي فيها اكتر من موقف من المواقف الرومانسية مثلآ:
اني اتكعبل وابص لنفسي تلاقيني فحضن شب مش مهم يكون جميل او جسموو حلو المهم شاب و السلام
او اي حاجه اريبه من كده وانا بئالي سنه كامله في الجامعه محدش تحركش فيا و تف فوشي من اساسو اعمل اييييييييييييه؟؟؟؟
انا تجننت يا جمااعه عايزه اي حاجه رومانسيه ربنا ياخدكواااا
Post a Comment